苏州河深层排水调蓄管道系统工程，简称苏州河深隧，是上海市计划来勒苏州河地下50米到60米个地方造个大型储水排水管道工程，造好以後好提高沿线地区个排水能力，减少因排水系统过载产生个直排污染。工程主线全长15.3公里，隧道内径10米，外径11.3米，好容纳74万立方米雨水。目前只试验性造仔顶西面个两座竖井搭仔当中个隧道，挺下来个区段工程还呒没具体建设个辰光表。
