苏峻之乱

出自维基百科,自由个百科全书

苏峻祖约之乱,也叫做苏峻之乱,是东晋成帝辰光发生个一趟大规模叛乱,立在咸和二年(327年)爆发,由历阳内史苏峻发动,联结镇西将军祖约以讨伐庾亮作为理由,发兵进攻当时个首都建康。立在第二年,攻破建康执掌朝政。庾亮替江州刺史温峤推举征西大将军陶侃作为盟主,建立讨伐军反抗苏峻,同时三吴地区也有义兵起兵。迭个战乱立在咸和四年(329年)终于因为苏峻个死脱替余党陆续畀消灭结束。此事对门阀打击蛮大,之后交关年数,门阀之间侪弗敢兴兵开战。