臟器逆位

臟器逆位（英语:situs inversus）是一種先天性嗰結構缺陷，症狀是患者嗰内脏各器官嗰位置搭一般人正好左右相反（鏡像對稱），譬如患者嗰心臟勒拉順手邊，肝臟勒拉假手邊。迭種先天缺陷交關罕見，差弗多一萬嗰人裏向纔仔有一個。臟器逆位一般與常染色體隱性基因有關，除脫先天性心臟病患病率相對偏高，患者嗰健康狀況一般搭普通人無沒明顯區別，蠻多人一直到看另外毛病嗰辰光纔仔曉得渠自家內臟嗰位置搭其他人是兩樣個。