膜蛤文化

膜蛤文化是对曾当过中国共产党中央委员会总书记、中国共产党中央军事委员会主席个江泽民进行模仿恶搞个网络流行文化，“膜”字是“膜拜”个意思，“蛤”来自江泽民经常戴个一副蛤蟆镜搭认为江泽民长唻像癞蛤蟆个看法。

「膜蛤」个网友畀叫或者自家叫“蛤丝”、“膜法师”等，伊拉模仿江泽民个交交关关言语动作，拿伊叫“膜法”。“续一秒”（或“+1s”）是经常会得畀用着个词语之一，因为伊多趟有传出死脱个消息（当中「续」就是指“续命”“为……延长生命”），所以续命为伊延长生命。

特殊言语

• 蛤蟆、蛤蛤：因为网友讲伊长个（特别是侧脸）搭带浪蛤蟆黑框镜像蛤蟆。
• 蛤丝：指伊个粉丝（有些嘲个意思）。
• 吼啊：箇是近似粤语个发音，意思是“好啊”，出自江泽民“怒斥香港记者”。
• 谈笑风生：出自江泽民“怒斥香港记者”：“你们要知道，美国的华莱士，那比你们（指香港记者）不知道高到哪里去了！啊，我跟他谈笑风生”。
• 长者、人生个经验：出自江泽民“怒斥香港记者”：“我今天是作为一个长者给你们讲的，我不是新闻工作者，但是我见得太多了，我有这个必要告诉你们一点人生的经验”。
• 虵：“蛤”个{虫}字旁搭“他”（从江泽民个传记《他改变了中国：江泽民传》中来个）个右半部分“也”组合而成个字。蛤丝用箇个字代江泽民，同“他”。

一幅膜蛤图片，突出描写江泽民个黑框眼镜搭鼻孔；单词naïve高头个分音符正好变成伊个鼻孔。

• 蛤三篇：2000年10月27号勒拉中南海接受香港记者张宝华采访、2000年8月15号勒拉北戴河接受美国记者迈克·华莱士采访、2009年4月23号用前党和国家领导人个身份视察国机二院。
• 亦可赛艇：又写成“一颗赛艇”。江泽民视察国机二院个辰光讲个“Exciting”个音译。（实际上是部分网友瞎七搭八，伊个原言话是“Excited”）后些来有“水可载舟，亦可赛艇”个用法。
• 密克定理中个五点共圆问题：江泽民曾勒拉高考个辰光碰着过箇个问题。2000年，江泽民勒拉向陈省身、张景中等数学家请教以后，勒拉12月20号出席澳门回归祖国一周年庆典活动个辰光，畀濠江中学个老师搭仔学生仔出个证明“五点共圆”个问题。
• 苟利国家生死以，岂因祸福避趋之（出自林则徐《赴戍登程口占示家人》）：箇两句诗顶顶早个辰光是汪道涵写畀江泽民个，目的是鼓励伊接受担任总书记个挑战；2009年4月23号，江泽民勒拉视察国机二院个辰光，提到箇句诗。
• 天气预报本来说今天有雨，结果江主席一来天气晴朗：原来搭江泽民一道拉机械工业部第二设计研究院个老同事徐嘉诰，勒拉江泽民视察国机二院个座谈会上讲个 。江泽民出生个辰光，“扬州天气晴朗”，而就勒拉伊过世后弗久，扬州搭上海侪开始雨雪霏霏，也好用箇句言语。
• 鸭嘴笔、坠痛苦的：勒拉视察国机二院个辰光，江泽民回忆：“我们就有几年是用鸭嘴的笔，旁边有个小盒子，坠（最）痛苦的就是把鸭嘴笔这个水弄到里面，描图的时候一下子就…然后就用刀片去呱（刮），这是描图坠（最）痛苦的。”
• +1s、我为长者续一秒：因为香港亚洲电视误报江泽民个死讯搭重庆红衣男孩事件。
• 被续了：勒拉知乎、微博、贴吧等社交平台上，管理员会封脱短期封脱或者永久封脱参与膜蛤个账户，理由是“政治敏感”。对应个，箇能介畀禁言或者封脱就叫“被续”（就是拿原先账号里个“命”侪送畀江）。
• 膜法、膜法师搭mogic：网民按照“魔法”创造个“膜法”词，拿“膜蛤”搭“时间法术”结合拉一道；英文也对照magic（魔法）创造mogic（膜法）词，“膜法师”相应个翻译成mogician，。mogic好当作膜蛤个别个称呼，mogician好当作蛤丝个别个称呼。
• 江选：指江泽民文选。
• 请州长夫人演唱：#参见##相关歌曲。
• 真正的粉丝：意思是真正个粉丝勒拉弗论伊变成啥个样子，侪好一眼认出伊。

• 
  真正个粉丝，就算加仔高斯模糊，也认得出伊
• 
  就算伊伪装成摩托车，真正个粉丝还是一眼认得出伊
• 
  真正的粉丝，就算伊变成韶山9型电力机车，也依然认得出伊
• 
  真正个粉丝，就算只有一副眼镜也认得出伊
• 
  真正个粉丝，就算是只有真正个粉丝，也晓得勒拉讲啥

• 这是坠吼的：“这是最好的”（箇是顶好个）个意思
• 决赛圈：游戏《绝地求生》个术语，暗地里指江泽民一直勒拉最年长在世国家领导人列表前头，而且搭伊年纪相仿个领导人（卡斯特罗、德斯坦、戈尔巴乔夫、伊丽莎白二世等）纷纷勒拉2016－2022年里向过世而得名。江泽民过世后有“坎代吃鸡了”、“村山吃鸡了”、“卡特吃鸡了”等讲法。
• “谢谢爷爷”：勒拉1993年江泽民去北京农村拜年个辰光，曾经送畀一位农村小囡一只玩偶鸡。江泽民过世后，一位青年男士背着差弗多玩偶到江泽民故居献花，有媒体认为伊就是当年个小囡。
• 难再续（来源歌曲让我欢喜让我忧）、从此不再少一秒：指江泽民过世，是蛤丝特有个悼念用语。

参见

梗内容

• 江泽民怒斥香港记者
  • 张宝华：事件中个女记者。
  • 董建华：事件中连任与否个讨论对象，伊个辰光是香港行政长官。
  • 彭定康：事件中畀张宝华提到个阿末一届香港总督；伊认为江泽民勒拉影响、干预香港个法治。
  • 钱其琛：事件中经常出现个另一位中共高官，伊个辰光是中共中央政治局委员、国务院副总理，原香港特别行政区筹委会主任委员。
• 宋祖英：中国内地歌手，网络上搭民间传言伊搭江泽民夹姘头，但可能是假个。
• 罗伯特·劳伦斯·库恩：《他改变了中国：江泽民传》个作者。
• 迈克·华莱士：曾经采访江泽民，跟伊“谈笑风生”个美国记者。
  • 华莱士（快餐）：中国大陆快餐连锁品牌。因为名字，也变成膜蛤文化个一部分。
  • 华莱士飞蛙：阿尔弗雷德·拉塞尔·华莱士发现命名个动物。。因为名字，也变成膜蛤文化个一部分。
• 荷叶金蟾：巨型充气癞蛤蟆艺术品。
• 佩佩蛙：另一個巧合地使用蛙类形象个梗。
• 上海益民食品一厂：江泽民曾经做生活个地方，伊救下来箇个厂。
  • 光明乳业：上海益民食品一厂现在个母公司。

相关歌曲

• 《毕业歌》：
  • 江泽民“谈笑风生”个辰光唱个抗日歌曲。
  • 2001年12月22号，江泽民勒拉第七次中华全国文学艺术工作者代表大会上指挥胡锦涛、温家宝、曾庆红、刘云山、李双江等人唱箇首歌。
• 《夏威夷骊歌》：江泽民1997年10月到访夏威夷对美国进行国事访问个辰光用夏威夷吉他弹奏个歌曲。
• 《情定扬州》：畀认为膜蛤个2017年歌曲。

来源说法

• “续命”箇种讲法个两种可能来源：
  • 重庆红衣男孩事件
  • 亚洲电视误报江泽民过世事件

其他迷因

• 薄熙来：原中共中央政治局委员、重庆市委书记，外号“平西王”。伊个言语也畀蛤丝广泛使用，也变成膜蛤文化个一部分。
• 辱包文化：对现任中华人民共和国最高领导人习近平进行恶搞、讽刺、调侃搭侮辱个梗。

外部链接

维基共享资源里向寻得着搭该篇文章搭界个多媒体资源：

膜蛤文化

维基语录上有关个摘錄：

江泽民

维基共享资源里向寻得着搭该篇文章搭界个多媒体资源：

江泽民

起源视频

• 江泽民接受华莱士的采访档案，存勒互联网档案馆当中。（2017年3月7号）
• 江泽民怒斥香港记者 档案，存勒互联网档案馆当中。（2020年8月13号）（《新闻档案》节选高清版 档案，存勒互联网档案馆当中。（2021年4月18号））
• 江泽民视察中国联合工程公司 档案，存勒互联网档案馆当中。（2021年10月12号）

“新蛤社”

• "新蛤社"的Twitter账号 档案，存勒互联网档案馆当中。（2022年1月1号）
• “新蛤社”的Telegram频道 档案，存勒互联网档案馆当中。（2021年7月13号）
• “新蛤社”位于YouTube网站的频道 档案，存勒互联网档案馆当中。（2022年1月10号）