胶子

来自维基百科
蹦到: 导航搜寻

胶子(gluon)是负责来拉两隻夸克之间传递强相互作用矢量规范玻色子,赛过光子负责来拉两隻带电粒子之间传递电磁力。胶子本身带有强相互作用个色荷,但光子弗带色荷。个咾胶子弗但传递强相互作用,渠还参与强相互作用,为著讲得量子色动力学分析远远较比量子电动力学困难。来拉质子(由两隻上夸克、一隻下夸克组成)内部,胶子弗断转变成成对个上夸克搭反上夸克,上夸克搭反上夸克湮灭产生个胶子又来拉上夸克、下夸克之间穿来穿去。