维吾尔族

维吾尔族（维吾尔语：ئۇيغۇر / Uyghur / Уйғур），是生活拉欧亚大陆内陆个突厥语民族，主要分布垃中国新疆南部搭中亚地区，主要使用属突厥语族个维吾尔语搭以波斯阿拉伯字母为基础个维吾尔老文字。大部分维吾尔人信伊斯兰教逊尼派。

文化

閒話

難朝个維吾爾閒話分類丄是突厥語系葛邏祿語支个一支。渠用過好幾種文字。一开始用回鹘字母，因爲伊斯蘭教个興起，開始用阿拉伯字母为基础写維吾爾語，叫老维文。到近現代，有西里爾維文、新维文搭仔拉丁维文。

喫食

維吾爾菜貤有中亚元素，貤有中国元素。日常个主食就是馕，也会得喫抓饭搭拉条子箇种主食。维吾尔抓饭蠻常見个一種做法是先拿胡蘿蔔搭羊肉（或者雞肉）搭洋葱一淘用油爆香，再摆米咾水進去蒸。有辰光還會得加點葡萄乾咾杏脯。