绞伦诉伙特案

绞伦诉伙特案（Golan v. Holder）是美国最高法院一只有关版权搭公有领域个案件。佗个判决结果认为，美国宪法版权条款弗禁止拿版权保护扩展到老早来勒公共领域个作品。

本案对1994年《乌拉圭回合协议法案》第514节个合宪性提出质疑，该节实施着贸易协议个规定，来勒国际基础上寻求版权保护平等。箇只法案让弗少已经来勒公共领域个外国作品勒美国重新受版权保护。

反对本案适用箇只法案个主要论点是，恢复版权违反着美国宪法版权条款里向个“有限辰光”话语，并且佗干扰着人民利用作品外加借伊点作品自由表达自家个第一修正案权利，箇末也违反着宪法个版权条款。

美国最高法院2012年1月18号判决，《乌拉圭回合协议法案》第514节呒不超出国会登勒版权条款下底个权限，法官6比2确认着下级法院个判决，判决意见是金斯伯格法官写个。判决个实际效果是确认一点老早好自由使用个作品弗再属于公共领域，只有版权所有者许可（譬相付费授权）纔好使用，一脚到版权再趟到期为止。