约瑟夫·史密斯

先知、牧师、国王

约瑟夫·史密斯（英语：Joseph Smith Jr.，1806年—1844年6月27号），生勒美国佛蒙特州，摩门教创始人。

史密斯小辰光，佗住个地方充满宗教狂热。

24岁发表《摩门经》，编造着三个古代美洲文明，让摩门教徒也寻弗着考古根据。又拿本钦定版圣经，照自家个想法改改，说箇才是正确个翻译，到死呒不完成，也朆得到古代文献个印证。

佗创立摩门教，吸引着大批追随者。摩门教实行一夫多妻制，佗经常向别人家个老婆求婚，亨八冷打讨着40个老婆。

住勒密苏里州个辰光，头吃昏落，带信徒攻击当地民兵，畀抓牢，寻机会逃到伊利诺伊州。咦组织着一个五十人委员会，拿佗自家选为千年王国“先知、牧师、国王”。

1844年，史密斯捣毁批评佗个报社，畀抓出来指控煽动暴乱。6月27号，一帮人冲进监牢拿佗乱枪打煞，杀人者后歇来无罪释放。