策妄阿拉布坦

吴语维基百科,自由个百科全书
跳到导航 跳到搜索

策妄阿拉布坦(蒙古语:ᠼᠧᠸᠠᠩ ᠠᠷᠠᠪᠲᠠᠨ,中蒙胡都木文转写:Cëwang Arabtan;来自藏文:ཚེ་དབང་རབ་བརྟན།;藏语拼音:Cêwang Rabdän;1665年-1727年),有辰光也讴策妄阿喇布坦、策旺阿拉布坦或策妄阿那布坦,蒙古准噶尔部头头。

兴起[编辑]

策妄阿拉布坦是漠西蒙古准噶尔部落首领僧格咯大儿子。

僧格于1671年畀杀后头,伊弟弟噶尔丹自西藏归来,策妄阿拉布坦歸附噶爾丹。噶爾丹依靠达赖喇嘛和和硕特首领鄂齐尔图车臣汗咯支持,当上准噶尔咯头头。

1684年,策妄阿拉布坦奉噶尔丹之命西征哈萨克。1688年,策妄阿拉布坦咯弟弟索諾布阿喇布坦畀噶尔丹杀罢,伊担心自个安全,第二年初,带5000部众逃脱,逃到博尔塔拉河游牧,还打败得噶尔丹自率咯2000追兵。

1690年,噶尔丹出兵蒙古喀尔喀部,策妄阿拉布坦乘机发兵去抢噶尔丹咯领地,抢到得噶爾丹控制下底咯吐魯番、庫車等城市,及撒克里、烏蘭固木等埭坞。此后,同康熙皇帝东西夹击,噶尔丹困守科布多。1696年,噶尔丹兵败,翌年死罢。達賴喇嘛授與策妄阿拉布坦「渾台吉」(副汗)稱號。

扩张[编辑]

控制西域后头,策妄阿拉布坦于1699年派弟弟大策零敦多布西征,征服了哈萨克咯头克汗,导致哈萨克分裂成大玉茲、中玉茲作小玉茲三个汗国,都听准噶尔咯。

1701年,伏爾加河下游咯土爾扈特部阿玉奇汗咯三儿子三濟扎卜,因爭奪繼承權失敗而畀赶走,率部眾萬餘戶前來投奔。策妄阿拉布坦抢得伊咯部眾,三濟扎卜逃回到土爾扈特部去哉。策妄阿拉布坦把這萬餘戶分給各宰桑,要求伊拉效忠,鞏固汗權,從此成為准噶爾名符其實咯統治者。

策妄阿拉布坦开始密谋反对西藏咯實際掌权者第巴桑结嘉措,因为桑结嘉措是噶尔丹同盟者。1707年,桑结嘉措畀蒙古和硕特汗王拉藏汗药杀哉。拉藏汗将桑结嘉措自选咯六世达赖押解到京城,另立六世达赖。1717年,策妄阿拉布坦遣大策零敦多布以省親之名,率6000军从和闐出发,晝伏夜行,沿现在咯新藏公路一線入藏,奇襲拉藏汗。12月2日,大策零敦多布率军攻占拉萨,杀罢拉藏汗,在衛藏建立了统治。蒙古军一路东进,向东占领波密,烧罢得波密土王咯房子。

議和[编辑]

1718年,清廷自四川出兵,但是畀大策零顿多布打败。1720年,朝廷再度發兵平叛,以恂勤王胤禵为抚远大将军统领各军,年羹尧为四川总督负责后勤保障,出兵三路。10月16日,大策凌敦多布兵败逃罢,朝廷建立了对西藏的直接统治。之后,清朝向准噶尔本土发动了攻势,一度占领乌鲁木齐,但不久后因为康熙皇帝去世而撤回。1723年,策妄阿拉布坦支持罗卜藏丹津来向青海发动叛乱,但是不久就畀年羹尧平定哉。1725年,新即位咯雍正帝同策妄阿拉布坦议和,划分得边界,并商定互相贸易。

策妄阿拉布坦對維吾爾族作中亞咯政策是人質制,要各地送自个头头到伊犁,收伊拉咯税。