第二次剛果戰爭

出自维基百科,自由个百科全书

第二次剛果戰爭非洲中部1998年到2003年個一場戰爭。迭搭第一次剛果戰爭關係老大,第一次戰爭辰光建立個新剛果政府個洛朗-德西雷·卡比拉弗聽命於盧旺達烏干達兩盟國,垃1998年驅逐兩國軍隊。之後垃剛果東部個圖西族造反,剛果政府搭胡圖族武裝聯手鎮壓,畀圖西族當政且弗多辰光前經歷過胡圖族煽動個大屠殺個盧旺達大為忌憚,立即搭盟友烏干達出兵剛果,意在推翻卡比拉總統。

盧旺達一支敢死隊劫持三架飛機後飛到剛果首都附近,搭當地嘸鬥志搭不滿於政府個軍隊聯手創建叛軍聯盟後攻城掠地,還佔據剛果第一大水電站,而盧旺達-烏干達聯軍垃剛果東部個攻勢也勢如雷霆。非洲諸國畀盧旺達搭叛軍個進度嚇到,津巴布韋安哥拉納米比亞等國侪宣布支持卡比拉,出兵剛果,阻止盧旺達取得勝利,畀伊軍隊被擊退。之後幾年戰爭速度放緩,參戰各國邊打邊談,同時各路叛軍搭武裝垃剛果犯下弗少戰爭罪行。2003年戰爭終於停止,弗過剛果仍然動盪,今朝仍有弗少鄰國扶持個叛軍作亂。