第三世多杰羌佛文化艺术馆

吴语维基百科,自由个百科全书
跳到导航 跳到搜索
第三世多杰羌佛文化艺术馆
H.H. Dorje Chang Buddha III Cultural and Art Museum
H.H. Dorje Chang Buddha III Cultural and Art Museum.jpg
成立日期 2014年6月7号
地址 美國 美利坚合众国 洛杉矶柯汶纳市学校街170号[1]
類型 美术馆
館長 Bryan Tyan
網站 www.hhdcb3cam.org

第三世多杰羌佛文化艺术馆英语H.H. Dorje Chang Buddha III Cultural and Art Museum),是来勒美国洛杉矶地区个柯汶纳市,其主体建筑是一座已经有116年历史个出名个古典建筑,主要是典藏跟展出H.H.第三世多杰羌佛所独创个艺术作品,包括个种类有:中国水墨画、西洋油画、韵雕[1]书法、金石篆刻诗词歌赋、制技艺以及彩绘瓷砖等各式各样个文化艺术精品[2]

历史[编辑]

洛杉矶柯汶纳高中个一张老照片

艺术馆个建筑物是造勒1902年,顶开始个辰光是作为柯汶纳高中(Covina High School),因为当时情况是高中生挤勒当地小学里个二楼教室读书,而呒没专门属于高中本身个学堂,所以柯汶纳市个学校董事会决定兴建一栋独立个高中建筑物。个年6月份,董事会通过发行债券来集资,勒当年12月勒柯汶纳市圣伯纳迪诺路(San Bernardino Road)跟第二街个交叉路口完成高中大楼个兴建与启用。

到了1909年,柯汶纳高中决定搬场到柑橘大道(Citrus Avenue),就拿个栋建筑物卖给了瑞德小学。再到了1919年,因为个所小学需要扩大操场,而且要搬得离街区马路远一眼,就拿原来高中个大楼转卖给一只叫共济会(Freemasonry)个机构,他们想办法拿整栋大楼一记头原封不动个移到了学校街跟第二街个西南角(也就是现在艺术馆个地方)。1920年,个栋建筑物经过改造装修好作为柯汶纳共济会会所(Covina Masonic lodge),接下来一直使用了八十几年[3],直到2014年再出手卖给艺术馆。勒经过重新装修布置后,该大楼成为第三世多杰羌佛文化艺术馆,勒同年个6月7号正式开馆[4]

第三世多杰羌佛文化艺术馆是一所非盈利机构,由美国洛杉矶地区个一群崇拜景仰H.H.第三世多杰羌佛个道德人品及艺术成就个人士自发筹资成立,特之H.H.第三世多杰羌佛呒没任何关系[5]

宗旨[编辑]

第三世多杰羌佛文化艺术馆个宗旨,是勒通过陈列H.H.第三世多杰羌佛文化、文学哲学艺术科技等方面个成果来让参观者得以了解到H.H.第三世多杰羌佛勒我伲个世界所获得个交关荣誉特之奖项[2],认识第三世多杰羌佛全方位的成就,学习祂将所能无私奉献予社会的精神[5]

馆藏[编辑]

艺术馆一楼大展厅

第三世多杰羌佛文化艺术馆是一栋两层楼式个古典建筑物,艺术馆里主要展厅有:一楼是大厅、绝世珍宝室及名画家鱼厅,二楼有得大展厅、中厅、长廊及圣迹室,日常展出作品200多件,整所艺术馆完全免费对外开放参观,而且是柯汶那市唯一个一座艺术博物馆

艺术馆二楼大展厅

绘画[编辑]

艺术馆里所收藏个H.H.第三世多杰羌佛绘画有交关种类,从题材方面来讲有:山水花鸟、走兽、鱼虫、人物等;而使用个绘画技巧范围广泛,含盖工笔写意泼墨等传统水墨功底特之西洋画派现有个具象、抽象印象个笔划线条等画派技法,展出个画作还反映H.H.第三世多杰羌佛独创个十六种全新画派[註 1][6],主要展出个代表性作品有:

  • 超实派:有色泽、纹理、美感,完全像天然石头个「彩绘瓷砖」[7]
  • 放发派:以神韵天成,墨气活而自然个风格,生发出动态地放发墨韵个效果,展出作品有《雄视》特之《灵猫》[8]
  • 朦胧派:以虚实幻化笔意取物造型,得其似是而非个效果,从笔触和色韵上产生强烈个虚无缥缈笔意、虚实不定个朦胧笔趣,代表作品有《龙鲤闹莲池》与《莲塘鲤鱼》[8]
  • 微印派:为印象派风格,而达到勒一大幅画里随便看阿里一小部份也是一幅精致个印象画,表现精神梦幻中个感觉意境,展出有《莲师洞中》、《天籁》等作品。
  • 游丝派:让画看上去像是用游丝一样个细线勾勒出来个精细技法,展出作品有《释经大师》。
  • 犷细派:风格是粗犷结合细微个两种不同技法,以最粗犷刚硬苍劲个大写结合微细工笔勒一道,让看个人得之出神入化,旷中显秀个享受,代表作品为《威震》[9]
  • 厚堆派:以堆栈泼辣变化个色块笔触,来体显浓厚高度立体韵味,为取其抽象和超现实个具象而用色,达到变化莫测、乱而不乱个艺境,代表作品有《苍叶抛红》与《向日葵》[10]

韵雕[编辑]

二楼大展厅展出的两件韵雕作品:《玉乳山》与《绿玉雕纱棚》

韵雕(英文:Yun Sculpture)是由H.H.第三世多杰羌佛所创造个一种新形式个雕塑艺术,其艺术特点有[1]:第一,韵雕具有多维空间个感觉,结构细腻而复杂得勿得了,层次变化无穷,超越自然造化景致,远胜于天然出产个矿石个存在与成色之美;第二,韵雕英文:石洞之美,色彩丰富斑斓,混然天成,其刀下所雕刻出的溶洞风光玄妙莫测;天然的祥云雾气于作品石洞中缭绕不散,是艺术史上唯一能拿气体雕刻而存形个雕塑艺术;第三,韵雕艺术品也是根本呒没办法可以复制个艺术品[11]

摆勒第三世多杰羌佛文化艺术馆展出个韵雕作品一共有七件,分别是展于一楼「绝世珍宝室」有「韵雕皇帝」之美誉个《一石横娇》[12][13],另外还有一楼大厅个《高士图》;展于艺术馆二楼个《玉乳山》、《绿玉雕纱棚》特之《小不点》;还有二楼「圣迹室」个两件玄妙韵雕,一件是体积曾经发生过神异变化[14],并一直公开悬赏随便啥人只要成功复制就可以获得美金5000万奖金个《一柱擎天》[4],跟另外一件作品外表体积虽然勿大,但侬望进去就会得看见洞里景色深勿见底个《彩韵》。

尽管陈列勒第三世多杰羌佛文化艺术馆里个所有艺术品全部是由H.H. 第三世多杰羌佛无偿提供给艺术馆做永久性个陈列展出,但H.H. 第三世多杰羌佛只是艺术品提供者,祂本人从来勿勒该艺术馆担任任何性质个工作或顾问职务,也不拥有任何股份产权 [2]

名画家鱼厅[编辑]

「名画家鱼厅」是美国第一家专门展出以鲤鱼为主题个水墨画展览厅,是由一家叫做名画家鱼厅个公司筹划个项目,向第三世多杰羌佛文化艺术馆租借场地做长期性展出。个只鱼厅所收纳展出个 鲤鱼 水墨画个作者,全部是近现代水墨画画家里画鲤鱼个名家,具备中国国家一级美术师个水平。个当中有:岭南画派创始人高剑父个《鱼跃龙门》;东方绘画艺术院院长郭汝愚个《荷塘鱼戏》;意大利欧洲学院院士吴青霞画个《锦鳞游泳万里程》;中国美术家协会副主席汪更新创作个《鱼乐图》;享受中国国务院国家特殊津贴的优秀专家陈永锵个《春水撩人》等精品鱼画。同时,也展出一幅由H.H.第三世多杰羌佛所画,被评估为绝世神品的《龙鲤闹莲池》[15]。有得加许多全部是画鲤鱼个画摆勒一道,侬去参观一下自家看了就晓得侬顶欢喜阿里一幅。

艺展活动[编辑]

  • 2016年6月19号,举办了首届「南加州高中艺术比赛」[16]
  • 2017年6月3号,举办了「特殊需求青少年艺术作品展」[17]
  • 2017年10月28号,举办了「洛杉矶长青艺术家画展」[18]
  • 2018年6月19号,特之柯汶纳市政府一道合办「2018年柯汶纳儿童书签设计大赛」[19]
  • 2019年1月26号,举办了第二届「洛杉矶长青艺术家画展」[20]

参观信息[编辑]

  • 开放辰光:礼拜两~六 10:00AM~5:00PM;礼拜天 9:30AM~12:00PM。
  • 休馆日脚:每逢礼拜一及国定假日休馆。
  • 票价:免费参观。

注释[编辑]

  1. 十六种独创画派个名称分别叫做:一、超实派;二、抽象韵味派;三、文风派;四、放发派;五、朦胧派;六、乡童派;七、繁卷派;八、泼墨线条写真派;九、微印派;十、返璞派;十一、妙写派;十二、泼墨微韵派;十三、犷细派;十四、游丝派;十五、版气派;十六、厚堆色块派。

参考来源[编辑]

  1. 1.0 1.1 YUN SCULPTURESHHDCB3CAM.org.
  2. 2.0 2.1 2.2 BRIEF INTRODUCTIONHHDCB3CAM.org.
  3. Barbara Ann Hall(2007).Covina.USA:Arcadia Publishing.ISBN 9780738555553 
  4. 4.0 4.1 第三世多杰羌佛文化艺术馆开幕 文化艺术瑰宝让人惊艳. ETtoday新闻云 (2014-06-13).
  5. 5.0 5.1 OUR MISSIONHHDCB3CAM.org.
  6. Artistic AccomplishmentsHHDCB3CAM.org.
  7. COLOR PAINTED TILES HHDCB3CAM.org.
  8. 8.0 8.1 纽约讯 (2012-12-24). 中国书画涨势如虹 限量版复制品也创拍价最高纪录 (zh). ETtoday新闻云. “第三世多杰羌佛「莲塘鲤鱼」与「灵猫」的限量品,并非原件,也被两人分别以近38万美元与25万余美元抢拍成交,创下复制品限量版拍卖价之最高纪录。”
  9. "一张中国画二百二十二万五千三百二十七美金,威震世界" (in zh). 星暹日报. 2000-05-31. pp. 4. 
  10. 林缉光 (2018-11-12). 梵高、齐白石 PK 第三世多杰羌佛,看谁的作品厉害 (zh). 中国网科创.
  11. Wan Ko Yee(2003).《Yun Sculpture》.Vancouver:International Arts Pub.ISBN 0974329304 
  12. 绝世珍宝 -「一石横娇」亮相 佛陀H.H.第三世多杰羌佛创作. 星岛日报 (2017-6-3).
  13. Museum Debuts Unique, Unduplicable Sculpture Art, a Rock of Horizontal Charm, with Complimentary Admission. CISION PRWeb (JUNE 02, 2017).
  14. 【H.H.第三世多杰羌佛系列报导】“揭开真相”书中尽是不可思议 一柱擎天韵雕竟然说变就变. 中时电子报 (2018-02-12).
  15. 「名画家鱼厅」将在美开展 汇聚当代水墨大师精品. 文汇报 (2016-06-09).
  16. 首届南加州高中青年艺术比赛揭晓 田博元馆长向残障学校颁发资助金. 环球东方网. 城市新闻网 (2016-06-19).
  17. 「特殊需求青少年艺术作品展」 柯汶纳市展出. 城市杂志周刊 (2017-06-23).
  18. 银发族 跨族裔 跨地区 洛杉矶长青画家艺术作品展在考维纳市开幕. 美洲华联社 (2017-10-28).
  19. 2018 Covina Bookmark Contest Award Ceremony
  20. 洛杉矶长青画家画作展隆重幕. 美洲华联社 (2019-1-26).

外部连结[编辑]