秋园

来自维基百科
蹦到: 导航搜寻
Flowers in front of the Palm House, Kew Gardens

秋园(英文:Kew Gardens),是英国个皇家植物园林,具体位置立在伦敦西郊泰晤士河南面,挨牢有名个度假村庄列支文。是英国个世界文化遗产之一。1759年辰光开始修造,1840年,英国政府介入管理,成为对老百姓开放个园林。立在维多利亚时代,王室对园林进行捐赠,同时大英帝国拿世界各地个奇珍异宝植物侪汇聚到此地,让秋园个规模迅速扩大。乃朝,秋园是世界浪顶顶大搭顶顶有名个植物园林之一。

汉塔[编辑]

英国伦敦邱园宝塔

立在秋园个东南面草坪浪,有一座有名个宝塔。迭个宝塔呈典型个近古汉塔式样,是1762年启蒙时代由英国自家个建筑设计家威廉钱伯斯修造个。塔身八面,底座有15米直径,整座塔有50米高,立在秋园内,啥地方基本侪好看到迭个塔楼。每层塔楼侪装饰有18世纪英国贵族自家设想个东方元素,包括各式各样个,曲线环绕个陶瓷产品等。蛮多传说讲这些龙是纯金个,后势来畀乔治四世拿出去抵押自家个债务。弗过,实际浪这些龙只弗过是木头造个镀金而已。后势来因为腐化,自然而然就消逝脱哉。塔身是砖头堆砌个,当中个楼梯有253级。汉塔已经对老百姓关闭交关辰光,只有2006年当中短暂开放过,乃朝,听讲是立在装修,要等到2017年才重新开放。