真力

真力有限公司（Genelec Oy）是一家有源音箱系统个生产商，总部来勒芬兰个伊萨尔米（Iisalmi）。该公司主要为专业录音室、混音及母带应用、广播、电影制作等方面来设计生产各种产品。M.Sc. (Tech.) Ilpo Martikainen（人名）于1978年建立了该公司。

 真力8030A

真力有源超低音扬声器：7050B, 7060B, 7070B

历史

早期历史

真力开始运营个辰光，是为了满足芬兰个国家级公共广播公司YLE。YLE当时勒赫尔辛基个Pasila（地名）造了一幢新个广播大楼。Juhani Borenius（人名）当时是YLE里厢个声学专家，伊勒了一个面向研究生个声学研讨会浪问了几个朋友，可勿可以做出一只有源扬声器。Ilpo Martikainen搭Topi Partanen用了两个礼拜就做出了头一只样品。迭只原型做得蛮好个，已经引起了大家认真个兴趣。勒1978年，经过两年个研究搭发展以后，该公司开业了，带来了伊拉头一只扬声器，S30。该公司马上从赫尔辛基搬到了伊萨尔米，是位于芬兰中心地带个地方。最早个设施是勒Satamakatu（地名），一共190平方米（2000平方英尺），位于Martikainen居住个公寓个地下室。

第一单生意卖畀了意大利个RAI，迭家公司勒芬兰个地位仅次于YLE。当时，公司里一共只有四个人，所以YLE个340只音箱个订单生产了一年。迭能一来，箇个一年正好啊是拓展公司其他业务个机会。公司啊开始提供音响效果增强工程个合约服务。

音响效果增强个合约工程占公司业务个一半。真力公司勒芬兰个老多剧场里安装了系统，包括国家剧院（National Theatre）、罗瓦涅米（Rovaniemi）搭库奥皮奥（Kuopio）个城市剧院、莫斯科新心脏病医院个会议厅、莫斯科马戏团（Moscow Circus），以及YLE个两部录音车。最后一个合约工程是勒坦佩雷礼堂（Tampere Hall），而最后一套音频系统是提供畀了位于马德里个皇家歌剧院。

勒1989年，真力决定退出音响效果增强业务，迭个决定对真力来讲是关键性个。光从财务角度来讲，没必要退出合约业务，但是，公司是希望大家认为伊是一家生产商。

一开始，真力音箱个需求量就已经蛮高了，外加每年个生产量勿断增长，员工数量啊勿断增长。勒1981年，真力供应了有源音箱畀ZDF（德国第二电视台）位于美因茨（Mainz）个新个控制室。位于Satamakatu个生产设施已经显得规模太小了。1981年公司已经开了好几个地方了，外加还勒寻找新个工厂，或者寻新个地方用来造新个工厂。 勒1983年，Satamakatu镇勒Porovesi河边浪个Luusniemi提供了一块空地。从伊个辰光开始到现在，公司已经扩展勒伊拉个工厂四趟了。除了生产空间变大之外，最后一趟扩张啊提供了更加多个培训场所搭高品质聆听场所。

国际业务

真力从一开始就出口伊拉个音箱，外加出口量逐年上升。勒1980年，伊拉出口了20%个产品。勒1984年是80%，到1990年代，曾今到过95%个最高值，但是又回落到了2000年代个90%左右。最早出口到个国家有意大利、北欧各国、德意志联邦共和国、荷兰、奥地利还有英国。搭日本Otaritec公司个合作是从1986年开始个。勒1993年，真力已经勒45个国家有分销商了，现在已经勒超过70个国家有销售了。

勒出口贸易增长个情况下头，箇眼产品个国内附加值保持勒80%左右。1985年勒汉堡举行个第77届AES（Audio Engineering Society，音频工程社区）会议是真力公司个一个转折点。伊拉推出了1022A，同时还展出了一整个音箱大家族：双功放1019A迷你监听，广播监听S30搭1022A，还有音乐监听1024B搭1025A。到1985年为止，真力已经生产了12种型号了。伊拉啊勒国内做音响效果增强工程搭仔无源个高保真（Hi-Fi）音箱。无源个两分频1050A搭仔三分频个1051A曾经勒1980–1982年生产过。小音箱1049A从1988年开始生产。之以后呢，伊拉又停产无源高保真音箱交关年数了。

勒1990年代，真力作为一家有源监听音箱生产商越来越知名。从1988年到1990年，伊拉设计了新个产品，特别是大型控制室监听1035A、1034A还有1033A。勒1991年真力设计了1031A，箇只音箱勒2014年进入了TECnology（Technical Excellence & Creativity Awards，技术杰出及创新奖）个“名品堂”（Hall of Fame）。真力为1031A设计了后续产品，包括1030A、1032A、1029A、1037A、1038A，以及超低音音箱1091A、1092A搭1094A。

2000年代个真力

到2010年为止，真力已经生产个有源音箱型号已经超过了50种，还有箇眼音箱为了特定目的个各种修改版本。伊拉啊生产了用于听觉校准个软件产品。勒完成所有音响效果增强合约工程以后，真力一直专注于有源音箱。

21世纪个开头几年对真力来讲是有挑战个。真力推出了LSE系列超低音音箱，又用新个8000系列取代了大多数老个两分频音箱系列。8000系列包括四个型号（8020B、8030A、8040A搭仔8050A两分频有源音箱），其中有眼型号比之前个相应型号明显要小，箇是通过用铝（而勿是传统个中密度板）来作为音箱箱体来做到个。有名个芬兰工业设计师Harri Koskinen设计了8000系列个外观。除了箇眼系列之外，还有最小个6010A两分频音箱搭仔配套个5040A有源超低音音箱，箇两个是勒2008年推出个。

真力个蛮多产品有得数字信号处理搭仔软件控制功能。8200数字信号处理（DSP）系列增加了三条产品线（8240A、8250A两分频还有8260A三分频有源音箱），伊拉有自动调整自家性能来匹配周围声学条件个能力，箇是通过GLM软件个AutoCal校准功能完成个。

目前产品

• 工作室监听
  • 经典监听搭超低音音箱
    • 1000系列：1032B
    • 8000系列：8010A, 8020C, 8030B, 8040B, 8050B
    • M系列：M030, M040
    • 7000系列：7040A, 7050B, 7060B, 7070A, 7071A, 7073A
  • SAM™紧凑型工作室监听
    • 8320A, 8330A, 8430A, 8240A, 8250A
  • SAM™同轴工作室监听
    • 8351A, 8260A
  • SAM™工作室主监听（母带级监听）
    • 1237A, 1238A, 1238AC, 1238CF, 1234A, 1236A
  • SAM™工作室超低音音箱
    • 7350A, 7260A, 7270A, 7271A
• 家用音箱
  • G系列
    • G One, G Two, G Three, G Four, G Five
  • F系列
    • F One, F Two
  • 建筑安装式扬声器系列
    • 4000系列
    • AIC25, AIW25, AIW26B, AOW312B, 5041A
  • 家庭影院音箱系列
    • HT系列

外部链接

• 官方网站