白馬嘯西風
《白马啸西风》，是金庸写个一篇中篇武侠小说，描写了哈萨克斯坦人特之汉人之间个情仇，主人公是一位名叫李文秀个汉族姑娘，伊个爷娘因为带勒高昌地图被强盗追迫而死，单独留下李文秀在哈萨克斯坦族里被旅居大漠个汉人计老人抚养长大。 《白马啸西风》最早勒报纸上刊登个连载版跟现在发行个修订版交关勿一样。“旧版”个《白马啸西风》曾经被另一位[武侠小说家倪匡贬低为“不通”，但伊讲修订版个《白马啸西风》是“通了”。
个本小说是金庸写个老多小说里比较短个一部，所以，往往是特其它作品合勒一本而出版，比方特之《雪山飞狐》收录勒同一部书里面。
故事情节[编辑]
汉人女孩李文秀个爷娘，因为拥有据说有宝藏线索个「高昌地图」被汉人强盗勒草原上杀害，当时还是小人个李文秀骑着奔驰个白马逃命，结果来到哈萨克族人个部落里，被一位寄居勒回疆个汉人——计老人收养下来。童年个李文秀特之哈萨克族小男生苏普结为亲密个小朋友，但因为苏普父亲对汉人个唾弃而两家头呒没办法交往。
十年之后，到了十七、八岁个李文秀勒戈壁沙漠碰着杀害伊父母个汉人强盗其中五个人，本想引伊拉入沙漠同归于尽，结果勒一个绿洲里碰到了隐居个武林高手华辉。李文秀帮华辉拔出插勒伊背心上十多年个三根毒针，华辉邪气感激，教李文秀用毒针和武功杀脱个五名强盗，之后华辉收李文秀作徒弟，并教伊武功。两年后，李文秀已经有了一等一高手个武功。
一个暴风雪天，装扮成男人个李文秀到华辉处练功后回到自家屋里，意外见到了苏普父子和苏普个新恋人阿曼，伊拉是路过躲避暴风雪个。个辰光，当年杀害李文秀父母个强盗首领陈达海也来到李文秀屋里来躲避暴风雪。李文秀暗中向计老人表示不要揭穿其身份，也向众人假装是来避风雪个过路人。苏普向计老人打听李文秀个下落，来勒李文秀个暗中示意下，计老人说谎讲李文秀老早就已经生病死脱了。因为当年陈达海个帮人杀害李文秀父母后还是寻勿着「高昌地图」，认为是藏勒逃脱了个李文秀身上，于是伊拉多年来勒草原部落间寻找李文秀。听说计老人原来曾收养一个汉人小姑娘，就认定个小姑娘就是伊拉一直要寻个人。虽然陈达海听到计老人讲李文秀已经死了，但还是要强迫计老人交出李文秀个「遗物」。陈达海洗劫房子后，发现李文秀个一块手绢头，就是伊拉寻找多年个「高昌地图」，于是陈达海想杀苏普父子灭口，但李文秀出手打败了陈达海，救出苏普父子，但陈达海却趁乱拿勒地图逃脱了。
陈达海靠勒个张地图寻到了迷宫，李文秀特之苏普父子带领一众哈萨克斯坦族人也追到了个地方。大家勒迷宫尽头发现所谓个宝藏不过是中原到处都有个毛笔、围棋等普通物事。勒迷宫里，随行个哈萨克斯坦族人、马匹骆驼先后无缘无故地暴毙，阿曼被抓走，大家怀疑是受到了“鬼怪”个袭击，李文秀却看出了死脱个人畜是中毒针而死，怀疑是伊自家师父华辉个所为。
众人终在迷宫中找到阿曼，晓得知伊被伊个爷车尔库个仇人瓦耳拉齐所掳，后来瓦耳拉齐出现并跟车尔库、苏普父子、李文秀等人拼命打，众人打勿过瓦耳拉齐而李文秀就要被打倒个辰光，计老人突然出手救了李文秀，最后计老人特之瓦耳拉齐恶战后两败俱伤。个辰光李文秀发觉瓦耳拉齐就是自己个师父华辉，而计老人只是一个三十来岁个壮年人，还是瓦耳拉齐个汉人徒弟马家骏。
身受重伤个瓦耳拉齐和马家骏最后向李文秀及哈萨克斯坦族人讲出了之前个事体。廿年前瓦耳拉齐心仪阿曼个娘雅丽仙，但雅丽仙最后嫁给了车尔库，瓦耳拉齐想杀死车尔库勿成功被族人所逐，因而逃到中原，改用汉名华辉，并学得一身武功，还教了个汉人徒弟马家骏。多年后瓦耳拉齐带勒徒弟马家骏回到哈萨克部落，伊为了报复先拿毒针杀了雅丽仙，又叫马家骏勒井水里下毒，马家骏不忍心下个种毒手，就跟瓦耳拉齐反目后用毒针刺伤伊之后逃走了，从此瓦耳拉齐就住勒迷宫里，而马家骏亦易容化名为计老人，寄居勒哈萨克部落中，也刚好收养了父母双亡个李文秀。马家骏看见之李文秀打倒陈达海个武功，就晓得瓦耳拉齐还活勒人间，伊本来希望特李文秀一道返回中原，但结果还是勿得勿跟师父瓦耳拉齐打了起来，最终两家头一道丧命。瓦耳拉齐临死前告诉李文秀，伊暗中将陈达海手里个地图修改过了，陈达海等个帮强盗肯定会勒大漠中迷路，饥渴而死。
李文秀为两位无血缘关系个亲人个死，也为不能跟相爱个苏普勒一道而交关伤心，就决定离开回疆，返回中原。
主要人物[编辑]
- 李文秀——小说主角之一，长期住勒新疆个大漠，跟苏普有青梅竹马之情谊，但后来勿忍心看苏普被伊父亲虐打，所以用计使得苏普对自己死了心。后来成了华辉个徒弟。
- 华辉——『一指震江南』；是李文秀、马家骏 (计老人) 个师父，原本是哈萨克斯坦族人瓦耳拉齐。最终伊特马家骏勒高昌迷宫里同归于尽。
- 白马李三——李文秀父亲，小说刚开始辰光就丧命。
- 上官虹——『金银小剑三娘子』；李文秀母亲，小说刚开始辰光就丧命。
- 苏普——哈萨克斯坦青年，跟李文秀有青梅竹马个情谊，但后来特之阿曼坠入爱河。
- 阿曼——哈萨克斯坦少女，容色绝丽，苏普情人。
- 陈达海——吕梁三杰中个老三，原是镖师，杀害李三和上官虹个凶手，后来一直追杀李文秀，最后被李文秀打成重伤。
- 霍元龙——『神刀震关西』；吕梁三杰中个老大。
- 史仲俊——『梅花枪』；吕梁三杰中个老二，上官虹之师兄，被上官虹所刺，最后请求陈达海一枪刺死自己。
- 丁同——『两头蛇』；被计老人打死。
- 马家骏——哈萨克斯坦人瓦耳拉齐徒弟，因师父要求伊勒井里下毒，而于心勿忍，反而发三针刺伤师父，而后伊易容并化名计老人住勒回部，抚养李文秀长大。最后勒高昌迷宫里被瓦尔拉齐杀死。