电荷

吴语维基百科,自由个百科全书
跳到导航 跳到搜索

电磁学里,电荷(英语:electric charge)是物质个一种物理性质。称带有电荷个物质是“带电物质”。两个带电物质之间会互相施加作用力勒对方,也会感受到对方施加个作用力,所涉及个作用力遵守库仑定律。电荷分为两种,“正电荷”搭“负电荷”。带有正电荷个物质称为“带正电”;带有负电荷个物质称为“带负电”。假使两只物体都带有正电或都带有负电,则称个两只物体「同电性」,否则称两只物体是「异电性」。两只同电性物体会相互感受到对方个排斥力;两只异电性物体会相互感受到对方个吸引力。个是大家通通晓得个「同性相斥,异性相吸」个道理。

电荷也是交关种次原子层次浪个微观粒子所拥有个一种基本性质。带有电荷个粒子就叫做「带电粒子」。电荷决定了带电粒子在电磁方面个物理行为。静止个带电粒子会产生电场,移动中个带电粒子会产生电磁场,带电粒子也会被电场或电磁场所影响。一只带电粒子跟电磁场之间个相互作用称为电磁力或电磁相互作用。电磁相互作用是物理学里向四种基本相互作用中个一种。