琼姬墩站

车站个站厅搭仔站台。站台个椅凳赛过隻金元宝

琼姬墩站（工程名中塘公园站），垃拉中華人民共和國江苏省苏州市苏州工业园区，是苏州轨道交通6号线搭苏州轨道交通8号线个换乘站。车站也来勒星湖街方向预留仔第三条换乘线路个站台，具体规划待定。车站6号线部分来勒2024年6月29号启用，8号线部分来勒2024年9月10号启用。车站高头本来是中塘公园，乃朝公园变工地哉，施工结束以後会得恢复个。

车站装饰

车站整体装饰是金颜色个，吊顶里向有交关小射灯，意思是“繁星点缀”，目的是表现出苏城繁华。站厅里向还有隻叫“咫尺泽国”个艺术空间，用水鸟、蜻蜓、芦苇荡咾啥个元素表现出园区开发前个水乡风光。

综合开发

车站三线站体围起来个空间规划用作综合开发。项目总占地面积44300平方米，地下总建筑面积26472平方米，地下一层是商店，地下二层设有150隻停车位。车站周边还设有公交车站、公共脚踏车借还处、电瓶车停车场咾啥个接驳交通设施。箇隻项目目的是解决车站周边现存居民区多必过缺少生活配套设施个问题，乘枪势里还保留地面公园个景观功能。