琫貝烏・法勃拉搭博

箇隻是加泰罗尼亚語姓名，爺个姓是「法勃拉」（Fabra），娘个姓是「博」（Poch）。

琫貝烏・法勃拉搭博（加泰隆尼亚语：Pompeu Fabra i Poch，加泰羅尼亞語發音：[pumˈpɛw.ˈfaβɾa]，1868年2月20號—1948年12月25號），也翻譯成工庞佩乌·法布拉、庞培・法布拉、琫貝烏・法勃拉，是加泰羅尼亞語文學家，爲佢扗居加泰羅尼亞語个現代規範化方面个傑出領頭工作，畀認作「加泰羅尼亞語个思想領袖」。

作家孰塞・布拉寫着：「法勃拉是我伲當代頂重要个加泰羅尼亞人，因爲佢是箇個時代箇個國家唯一一个擔自家投入實現某種公共咾普遍个目標个人，並且拿明確咾嘸可爭議个方法擔目標達成爻。」

著作

琫貝烏・法勃拉个作品《加泰罗尼亚语通用词典》个封面

法勃拉先生整理加泰羅尼亞語个生活成果交關多咾邪氣重要。佢嘗試賦予加泰羅尼亞語本生應有个介然个賣相、介然个表達能力咾介然个政治社會功能，弗再受幾個世紀以來个文化政治拋棄搭仔屈服扗其他語言下底。攏共來講，就是要擔佢發展成工有文化个、現代个、有用个、好滿足當代社會交流需要个、咾好適應科學搭思想表達个語言。

扗1902年搬場到毕尔巴鄂後个辰光，佢編寫爻《加泰羅尼亞語語法》（1912，Gramática de la lengua catalana）。扗居巴达洛纳个辰光，加泰羅尼亞研究院公佈爻《正字法規範》（1913，Normes ortogràfiques），基本丄是佢个作品，反映爻《前進》雜誌團體維護个正字法規範，箇套正字法是佢指導編纂个《正字法詞典》（1917，Diccionari ortogràfic）个基礎。1918年，法勃拉替加泰羅尼亞研究院出版爻《加泰羅尼亞語語法》（Gramática catalana），研究院擔佢當官方標準。佢還得編寫爻《加泰羅尼亞語語法中級教程》（Curs mitjà de gramàtica catalana），由加泰羅尼亞教育保護協會在1918年出版。

扗居巴达洛纳个辰光，琫貝烏・法勃拉編寫爻佢頂重要咾有名氣个作品：《加泰羅尼亞語通用詞典》（加泰隆尼亚语：Diccionari general de la llengua catalana）。

致敬

交關場許、機構、活動用法勃拉个名頭。扗加泰羅尼亞有數不清个路、廣場咾大道用箇个語文學家个名字取名。巴塞罗那扗1980年命名个琫貝烏・法勃拉大道是隻例子，箇條路扗居格拉西亞區个la Salut，琫貝烏・法勃拉生扗箇盪咾小辰光扗居長大个。扗搿拉西亞區里丄還有得爲仔1982搭1993年法勃拉節造个兩座紀念碑，一座扗勒率勃斯廣場、還有座扗居格拉西亞小花園。根據2021年个公開數據庫，在加泰羅尼亞有超過260條街道咾廣場紀念琫貝烏・法勃拉大先生。

来勒巴达洛纳市，法勃拉曾住将近30年。1934年1月28号，巴达洛纳市议会授予伊巴达洛纳市金质奖章，表彰伊来勒语言方面个工作、才华、伊个公民美德搭仔伊对箇座城市个热爱。

琫貝烏・法勃拉作爲語文學部七個創始人之一，加泰羅尼亞研究院也擔幾搭場許對佢致敬。譬方講，琫貝烏・法勃拉空間（l'Espai Pompeu Fabra）從加泰羅尼亞研究院个檔案裏丄收集搭箇個大先生有關系个材料來展示，爲仔反映法勃拉先生搭研究所个聯繫咾佢對加泰羅尼亞語言个寶貴貢獻，里丄還有孰第·米尔个琫貝烏・法勃拉館藏（Fons Pompeu Fabra），有得1535份印刷資料个收藏。加泰羅尼亞研究所个部門擔亨八冷打箇星資料分類整理爻。