巴塞罗那

出自维基百科,自由个百科全书
Barcelona collage

巴塞罗那(佳泰隆文:Barcelona)是欧洲西南面伊比利亚半岛东北角加泰罗尼亚地区个一个沿海城市,也是迭个地区个文化,政治,经济中心搭加泰罗尼亚大区首府个所在。巴塞罗那从罗马帝国辰光作为军事堡垒开始发展,到中世纪之后,成为阿拉贡王国邪气重要个海港搭经济中心。到近代,此地见证交关西班牙内部战争个混乱,弗过也通过本身地区个工业化搭知识分子话语构建,培养出自家个文化特征搭自我认同。乃朝,巴塞罗那都会区有人口将近300万,是西班牙排名第二个大都市(第一是首都马德里)搭欧洲十大都市之一。因为夜生活搭美妙个旅游景点,每年好吸引交关游客到此地白相。弗过,也因为城市个左倾,引入交关回教移民,让此地个治安比马德里推板交关。

体育[编辑]

巴塞罗那有两家西甲联赛个球会,分别是世界顶级豪门巴塞罗那队西班牙人队。两个球队因为各自个政治立场弗同关系比较推板。弗过因为实力差距比较明显,所以反过来火药味道嘸搭皇家马德里队国家德比介浓厚。