爱情限时签

吴语维基百科,自由个百科全书
跳到导航 跳到搜索

《爱情限时签》(英语:The Proposal)(也叫《假结婚》)是一部勒2009年上映个美国爱情喜剧片,由是安妮·佛莱契导演,彼特·查瑞尔编剧,珊卓·布拉克特之莱恩·雷诺斯领衔主演,还有贝蒂·怀特、玛丽·史汀博格和格雷格·T·尼尔森演配角。电影由曼德维尔影业制片,勒2009年6月19日由正金石影业在北美发行。剧情主要围绕一位名叫玛格丽特·泰特个加拿大移民跟伊工作个美国公司工作下属安德鲁·帕克斯顿之间展开。泰特由于伊蹲勒美国个签证过期而即将被驱逐出境,即使一年后能再申请入境,伊也会得落脱现在勒公司里个只高管位子。结果伊急中生智,想出用假结婚来逃避遣返个办法。泰特叫帕克斯顿假扮伊个未婚夫,并且为了摆样子避免移民局识破,两家头一道到帕克斯顿勒阿拉斯加州个故乡去特伊奶奶祝寿。 电影个制作是勒2005年查瑞尔写好剧本个辰光开始。但主体拍摄工作是从2008年3月到5月里进行。电影收到个评价有好有坏,评论家对剧本觉着勿是老有意思,但大部分称赞了两位主角个表演和伊拉之间个化学效应。电影片子在赚钞票浪交关成功,勒全世界卖出去个总票价超过3.17亿美元,是2009年顶顶卖座个爱情喜剧片。

电影个制作是勒2005年查瑞尔写好剧本个辰光开始。但主体拍摄工作是从2008年3月到5月里进行。电影收到个评价有好有坏,评论家对剧本觉着勿是老有意思,但大部分称赞了两位主角个表演和伊拉之间个化学效应。电影片子在赚钞票浪交关成功,勒全世界卖出去个总票价超过3.17亿美元,是2009年顶顶卖座个爱情喜剧片。

剧情[编辑]

玛格丽特·泰特(珊卓·布拉克饰)是纽约一家出版公司个执行总编。当伊晓得自家即将因为签证过期而被遣返个辰光,急中生智,讲伊已经特伊个助理安德鲁·帕克斯顿(莱恩·雷诺斯饰)订婚了,并想以自家勒办公室多年来建立起个淫威强迫后者来配合。但美国公民及移民服务局负责审批个吉尔伯森(丹尼斯·欧哈拉饰)对两家头个关系将信将疑,怀疑伊拉是做假来逃避玛格丽特个遣返。伊告诉伊拉,接下来要分开盘问双方有关彼此个问题,假使答案对勿拢,玛格丽特会得被遣返,而安德鲁则要被处以25万美元罚款并可能被判刑5年。安德鲁要求玛格丽特勒两家头结婚后必须提升自己为编辑,并帮忙出版伊个书,泰特同意了。乃么伊拉一道乘飞机到安德鲁位于阿拉斯加州个故乡去给伊奶奶祝寿。

等伊拉到之安德鲁个故乡锡特卡,首先来接机个是安德鲁个娘格蕾丝(玛丽·史汀博格饰)跟奶奶安妮(贝蒂·怀特)。勒从飞机场到屋里去个路上,玛格丽特发觉镇上几乎所有个商铺都带有「帕克斯顿」个名字,就晓得了安德鲁个家族事实上非常富裕。勒全家个欢迎聚会上,安德鲁跟伊个爷老头子乔(格雷格·T·尼尔森饰)之间个气氛有些紧张,乔对儿子勾搭上老板个做法看勿惯,认为安德鲁是想利用玛格丽特朝上爬甚至像是吃软饭,两家头话勿投机。安德鲁接下来向大家宣布了订婚个消息。玛格丽特还认得了安德鲁个前一位女朋友格特鲁德(玛琳·阿克曼饰)。聚会结束后,格蕾丝和安妮把两家头带到了伊拉将在这个周末住勒一道个大卧室。 第二天,格蕾丝和安妮带了玛格丽特到当地一家酒吧间去看脱衣舞男表演,这位拉蒙(奥斯卡·努纳兹饰)先生虽然勒当地蛮有名气,只是年龄跟体型都特大城市来个玛格丽特个想象勿符合。后手来伊从跟格特鲁德讲闲话辰光晓得,安德鲁一直希望能当编辑来成就自己个生活,伊还曾向格特鲁德求婚,但后者因为不愿离开个只小镇去纽约而了。回到屋里后,玛格丽特也发现「未婚夫」与「公公」个紧张气氛。到夜头,玛格丽特问起安德鲁跟伊爸爸个关系,但安德鲁不愿意回答。反过来,玛格丽特倒讲了交关自家个事体。

隔了一日,屋里向个人提议两家头干脆就直接勒个搭举行婚礼。但玛格丽特开始意识到自家跟安德鲁个家人已经蛮亲近,伊心里很不开心,坐上安鲁德个汽艇一起暂时离开。伊告诉安德鲁,从16岁时父母双亡起,伊就一直自家独立生活,已经忘记脱有一只家庭是啥感觉。正好当伊跌跌撞撞地朝船后头走过去个辰光,安德鲁为了避开一个浮标而急转弯,玛格丽特就落到了河浜里,不过安德鲁马上掉转船头拿伊救了起来。婚礼上,玛格丽特向包括吉尔伯森在内个所有宾客承认了事体个真相。吉尔伯森就得意洋洋地告诉伊,必须在24小时内离开美国。安德鲁跑回房间但却发现玛格丽特已经离开了,并且留下了伊个书稿,上面称赞写得很好并且保证一定会出版。安德鲁发现自家勿能让伊就个能跑脱,接着又与乔大吵一场。安妮就假装心脏病发作,想让孙子去追求自家个幸福。虽然伊拉还是没能勒飞机起飞前碰着,但安德鲁马上启程赶到纽约并在办公室拦牢了玛格丽特,当着整个办公室里所有人讲自己爱上了伊。两家头香了面孔后又去见吉尔伯森,告诉对方伊拉又订婚了,个趟是真个。

演员表[编辑]

  • 珊卓·布拉克饰玛格丽特·泰特(Margaret Tate),是纽约一家大型出版公司个执行总编;
  • 莱恩·雷诺斯饰安德鲁·帕克斯顿(Andrew Paxton),玛格丽特个助手,希望能被提升做编辑,还希望能出版自己写个书,家境富裕但决心靠自己个努力打拚;
  • 玛丽·史汀博格饰格蕾丝·帕克斯顿(Grace Paxton),安德鲁个母亲,对儿子跟「媳妇」个到来喜出望外;
  • 格雷格·T·尼尔森饰乔·帕克斯顿(Joe Paxton),安德鲁个父亲,对儿子跟「媳妇」个感情勿看好;
  • 贝蒂·怀特饰安妮(Annie),安德鲁个奶奶,个性开放,还带玛格丽特去看脱衣舞男表演;
  • 丹尼斯·欧哈拉饰吉尔伯森(Gilbertson),美国公民及移民服务局工作人员;
  • 奥斯卡·努纳兹饰拉蒙(Ramone),锡特卡一位人到中年、体型发福但又小有名气个脱衣舞男,而且还做各种不同个工作;
  • 玛琳·阿克曼饰格特鲁德(Gertrude),安德鲁个前女朋友;

制作[编辑]

《假结婚》首映式个举办地,位于美国加利福尼亚州好莱坞

彼特·查瑞尔勒2005年就写好了《爱情限时签》个剧本[1]。2007年5月,制片方宣布珊卓·布拉克将勒个部电影里演出主角[2]。制片人本来联系了朱丽娅·罗伯茨出演,但伊拒绝了[3]。过了勿到两个月后,有报导讲请了莱恩·雷诺斯将特布拉克演对手戏[1]。2008年1月,安妮·佛莱契跟正金石影业签约成为本片个导演[4]。影片于2009年6月1日在好莱坞举行首映式[5]


《爱情限时签》勒2008年4月在麻萨诸塞州艾塞克斯县个一只小镇开拍[6]。为了满足拍摄个需要,小镇临时改造成电影主要情节个发生地,阿拉斯加州一个名叫锡特卡小镇个样子[6]。主体拍摄工作勒4月9日正式开始,并在当地包括中央商务区之内个多只地点分别进行拍摄[6][7]。4月22日,剧组来到该县另外一只名叫曼彻斯特个小镇继续拍了大约两个礼拜。对此,市官员容许剧组工作人员租下了所有公共停车场。这段辰光里布拉克跟伊个丈夫出了一只车祸,幸亏情况勿是太严重,电影个拍摄也呒没中断很长时间[8]。片中婚礼个镜头是勒一套三层20世纪维多利亚风格建筑中拍摄个,剧组一共占用了个户人家三个礼拜个时间[9]。个家人勒接受《纽约时报》采访时表示,有一天纳尔逊·科茨(本片个艺术指导总监)敲开了伊拉个门,这家人一开始叫科茨到附近另外寻人家,不过伊拉最终还是允许了剧组进屋参观。拍摄都是在这家人家个一楼进行个[6][9]。除此以外,影片还勒波士顿和纽约曼哈顿下城进行了拍摄[10]。《假结婚》中一共包含有350只特技效果镜头,还有一部分镜头是使用计算机绘图编辑过个[11]。电影配乐由亚伦·齐格曼作曲,这些曲目是伊指挥好莱坞演播室交响乐团演奏并录制个[12]

作为一只大型广告宣传活动个一部分,雷诺斯提议拍一场裸戏。这场戏花了三天拍完,一共拍了约12次才算拍好[13]。对此布拉克在接受天空新闻台采访时表示自己一开始蛮紧张,不过「当其他所有人都表现得好像这实在是再平常不过一样时,真个是有助于让你放松下来」。不过伊也透露制片人有向伊拉提供无花果树个叶子来遮挡,只是摆勿牢,老掉下来。伊讲,「侬真是全部看得见。」”[14]雷诺斯也表示了类似个意见,伊在接受《人物周刊》采访时表示,「拍一场全裸个戏,而且还花上好几天,实在是有点蛮不好意思个。」伊还讲:「谢天谢地,侬勒此地坚持了家长辰光,而且侬老快就不再尴尬了,听起来应该是蛮普通个讲闲话吧,区别是,侬呒没着裤子。”[15]

电影发行跟获得个反响[编辑]

《爱情限时签》于2009年6月19日勒美国上映。当天一共勒3056家电影院收入1270万美元,成为个一天票房最高个电影[16]。头一个礼拜进账3362万美元,超过《元年》、《天外奇迹》和《醉后大丈夫》登上票房榜冠军个位置[17]。根据迪斯尼进行个一项出口调查(在电影院出口进行个调查),近63%个观众是女性,78%个观众已满18岁,71%个观众是情侣或夫妻[17]。这部影片也成为当时布拉克演艺生涯中首周最卖座个电影,比2007年个《预言》整整高了大约一倍[18]。电影最終在北美地區拿下1.64亿美元的票房,北美2009年終票房排行位列第16名[19]

电影勒其它国家上映也获得了丰厚个收益。2009年6月18日勒澳大利亚上映,头一个礼拜收入超过280万美元。在俄罗斯上映个头一个礼拜也超过了260万美元,相当于该国个个礼拜所有电影票房总额个34.7%[20]。勒南非,本片首周票房不及新上映个《冰原历险记3:恐龙现身》,不过到2011年10月也已超过了260万美元[20]。而勒英国上映个头一个礼拜则收入了320万英镑[21]。电影在除北美两国外共计入账1.53亿美元,让其全球总票房达到3.17亿美元[19]。在2009年世界电影票房排行榜上名列第20位[21]

作为家用媒体个销售[编辑]

2009年10月13日,正金石家庭娱乐公司发行了《爱情限时签》个DVD和蓝光影碟[22]。随后只勒头一个礼拜就卖出了超过240万份,相当于又增加了3930万美元个票房收入[23]。但第二周销量大跌了70%,到62万3744份,在该周DVD销售榜上名列第2[23]。到2010年1月为止一共已经卖脱480万张,一共收入7900万美元[23]

专业评价[编辑]

桑德拉·布洛克
瑞恩·雷诺兹

《爱情限时签》获得个评价较为一般。根据烂蕃茄上收集个181篇评论文章,其中78篇给出了「新鲜」个正面评价,「新鲜度」为43%,平均得分5.3(最高10分)。其中个共识评价中称赞「珊卓·布拉克和莱恩·雷诺斯表现出充足个化学反应」,但影片公式化个剧情辜负了伊拉个表演[24]。而根据Metacritic上收集个30份专业评论文章,其中12篇给予好评,5篇差评,13篇褒贬不一,平均得分48分(最高100分)[25]

《芝加哥太阳报》影评人罗杰·艾伯特给予影片三星(最高四星)个评价,但是伊抱怨电影情节老套,「循环利用了交关勒斯宾塞·屈塞和凯瑟琳·赫本个辰光就已经太老个段子」[26]。。《滚石》杂志个彼得·特拉维斯对电影提出了严重个批评,讲其淡而无味。伊写道,「安妮·佛莱契执导彼特·查瑞尔剧本像是某个生产硬质塑料个制造商,从而保证不会遭到任何人类情感个入侵」(指电影毫无感情)[27]。《纽约时报》个曼诺拉·达吉斯(Manohla Dargis)感觉布拉克个角色与伊个上一部作品相比显得很别扭。伊认为布拉克在扮演独立自主个女性角色时更吸引人[28]。《每日电讯报》个蒂姆·罗比(Tim Robey)表示对这部电影感到失望,给予影片两星(最高五星)个评分[29]

雷诺斯与布拉克角色之间个互动获得了评论家个好评。《娱乐周刊》个莉萨·舒瓦兹堡(Lisa Schwarzbaum)认为两位演员之间个化学反应「新鲜而又不可抗拒」[30]。《赫芬顿邮报》个佐瑞安纳·基特(Zorianna Kit)感叹道,「正是珊卓·布拉克和莱恩·雷诺斯两位主角之间无可非议个银幕化学反应让观众们仍然坐在位子上。」伊还讲,「个两个人勒喜剧表演上是如此娴熟,制造出了那么多个笑料,观看《爱情限时签》个观众无法抵抗伊拉个魅力,虽然部分桥段实在是有点毫无必要地装蠢。」[31]《洛杉矶时报》个贝西·夏克利(Betsey Sharkley)觉着两位主角个关系就是「《驯悍记》个厚脸皮升级版」。伊指出,「布拉克把她最可爱个品质之一,她最得心应手个物理喜剧给出了全面个发挥……雷诺斯在台词、表情上每一次个表现都像手术般精准」[32]。不过,《卫报》作家彼得·布拉德肖(Peter Bradshaw)只给了电影中雷诺斯和布拉克个互动一星个评价(最高四星),认为两人个表演缺乏说服力,呒没真实感,「每一个镜头中看起来都像是从没见过面一样」,伊还认为电影个笑点基础就不牢固,让整部电影个情节都显得虚假[33]

== 重拍 ==

2012年上映个马拉雅拉姆语印度电影《我的老板》(My Boss)是《爱情限时签》个一部重拍片,影片在孟买和卡拉拉邦取景[34][35]。该片基本个故事情节与《爱情限时签》相同,不过还是包含有许多不同个元素[36]。两位主角分别由迪利普(Dileep,音译)和曼塔·莫汉达斯(Mamta Mohandas,音译)扮演[37]。。这部重拍片在商业上也蛮成功[38]


参考资料[编辑]

  1. 1.0 1.1 Kits, Borys (2007-07-31). Reynolds wed to 'Proposal'. The Hollywood Reporter. Prometheus Global Media. 访问日脚2013-07-06.
  2. Kits, Borys (2007-05-25). Romantic 'Proposal' for Bullock. The Hollywood Reporter. Prometheus Global Media. 访问日脚2013-07-06.
  3. Abramowitz, Rachel (2010-01-12). Can Julia Roberts come back on her own terms?. Los Angeles Times. Tribune Company. 访问日脚2013-07-06.
  4. Kits, Borys (2008-01-16). She'll accept Dis 'Proposal'. The Hollywood Reporter. Prometheus Global Media. 访问日脚2013-07-06.
  5. Access Extended: ‘The Proposal’ Premiere, Hollywood. Access Hollywood (2009-06-02). 原始文档勒2013-07-06存档. 访问日脚2013-07-06.
  6. 6.0 6.1 6.2 6.3 Silverstein, Stephanie (2008-04-04,). Disney begins filming on ‘The Proposal’. Wicked Local Rockport. GateHouse Media. 原始文档勒2013-10-20存档. 访问日脚2013-07-06.
  7. The Proposal Trailer and Movie Set Transformation (2009-04-22). 访问日脚2013-07-06.
  8. Silverstein, Stephanie (2008-04-21). Sandra Bullock resumes filming despite Friday car accident. Wicked Local. 原始文档勒2012-04-07存档. 访问日脚2013-07-06.
  9. 9.0 9.1 Rimer, Sara (2009-07-29). "When Hollywood Moved In". New York Times (The New York Times Company). http://www.nytimes.com/2009/07/30/garden/30proposal.html?pagewanted=all. Retrieved 2013-07-06. 
  10. The Proposal (2009). On the Set of New York. 访问日脚2013-07-06.
  11. Feeney, Mark (2009-06-12). A movie boom's special effect. Boston Globe. The New York Times Company. 访问日脚2013-07-06.
  12. Dan Goldwasser (2009-05-06). "Aaron Zigman scores The Proposal". ScoringSessions.com. http://www.scoringsessions.com/news/185. Retrieved 2013-07-06. 
  13. Johnson, Chris (2009-07-15). Why I waited until 44 to do my first nude scene, by The Proposal star Sandra Bullock. Daily Mail. Associated Newspapers. 访问日脚2013-07-06.
  14. Lewington, Lara (2009-07-15). Sandra Happy To Go Stark Bullock Naked. Sky News (British Sky Broadcasting Group). 原始文档勒2013-11-03存档. 访问日脚2013-07-06.
  15. Lehner, Marla (2009-06-03). Ryan Reynolds: The Truth About Nude Scenes. People. Time Inc.. 访问日脚2013-07-06.
  16. Ellwood, Gregory (2009-06-20). Friday Box Office: 'The Proposal' gives Sandra Bullock a record opening day. HitFix. 访问日脚2013-07-06.
  17. 17.0 17.1 Gray, Brandon (2009-21-06). Weekend Report: ‘Proposal’ Pops to the Top, ‘Year One’ Lacks Stones. Box Office Mojo. 访问日脚2013-07-06.
  18. Young, John (2009-06-21). "'The Proposal' celebrates box office win". CNN. http://www.cnn.com/2009/SHOWBIZ/Movies/06/21/boxoffice.ew/. Retrieved 2013-07-06. 
  19. 19.0 19.1 引用出错:无效<ref>标签;未给name属性为BOM的引用提供文字
  20. 20.0 20.1 The Proposal (2009). Box Office Mojo. 访问日脚2013-07-06.
  21. 21.0 21.1 The Proposal (2009-I) - Box office - business. IMDb. 访问日脚2013-07-06.
  22. Thorton, Michelle (2009-08-17). "The Proposal" On DVD October 13th. ReelEmpire.com. 原始文档勒2012-03-14存档. 访问日脚2012-03-13.
  23. 23.0 23.1 23.2 The Proposal - DVD Sales. The Numbers. 访问日脚2013-07-06.
  24. The Proposal. Rotten Tomatoes. Flixter. 访问日脚2013-07-06.
  25. The Proposal Reviews, Ratings, Credits. Metacritic. CBS Interactive. 访问日脚2013-07-06.
  26. Ebert, Robert (2009-06-17). The Proposal. Chicago Sun-Times. 访问日脚2013-07-06.
  27. Travers, Peter (2009-06-21). The Proposal. Rolling Stone. 访问日脚2010-09-19.
  28. Dargis, Manohla (2009-06-18). The Proposal (2009). New York Times. The New York Times Company. 访问日脚2013-07-06.
  29. Robey, Tim (2009-07-23). The Proposal, review. The Telegraph. Telegraph Media Group. 访问日脚2013-07-06.
  30. Schwarzbaum, Lisa (2009-06-16). The Proposal Movie Review. Entertainment Weekly. 访问日脚2013-07-06.
  31. Kit, Zorianna (2009-22-06). "Movie Review: The Proposal". The Huffington Post (Arianna Huffington). http://www.huffingtonpost.com/zorianna-kit/movie-review-the-proposal_b_219057.html. Retrieved 2013-07-06. 
  32. Sharkey, Betsey (2009-06-19). The Proposal. The Los Angeles Times. Tribune Company. 访问日脚2013-07-06.
  33. Bradshaw, Peter (2009-07-23). The Proposal. The Guardian. Guardian News and Media. 访问日脚2013-07-06.
  34. Mamta to play Dileep's boss. Sify (2012-04-23). 访问日脚2013-07-06.
  35. Shruti Karthikeyan (2012-04-23). "Dileep, Mamta in My Boss". Madras: Deccan Chronicle. Archived from the original on 2012-06-04. https://web.archive.org/web/20120604221030/http://www.deccanchronicle.com/channels/showbiz/mollywood/dileep-mamta-my-boss-939. Retrieved 2013-07-06. 
  36. Theater strike called off in Kerala. Rediff (2011-11-09). 访问日脚2013-07-06.
  37. Dileep, Mamtha again for 'My Boss'. IndiaGlitz (2011-10-08). 访问日脚2013-07-06.
  38. Paresh C Palicha (2012-11-12). Review: My Boss is a loud copy of a Hollywood film. Rediff.com. 访问日脚2013-07-06.