潘达微

潘达微（1881年1月15号—1929年8月27号），伊也叫潘心微，是中国广东番禺县鹿步司（现在是广州市天河区棠下街道）人，同盟会会员，也是一个蛮有名个书画家，还是摄影家、记者。

生平

早年

来勒1881年1月15号，潘达微出生勒广东番禺县。潘家是做官个世家，潘达微个爷潘文卿曾经做过清朝个一品武官。屋里环境好特之过日脚宽裕使潘达微从小就受到良好个教育，伊曾经拜师跟清末知名画家吴英萼学习国画，这使得伊个国画具有专业水平。但小辰光个潘达微一直身体勿好，经常生毛病，伊个爷也因此放弃了让伊练武个打算，改成叫其学勒做生意。碰巧个是，也因为伊个体弱多病，潘达微勒到处寻医生看毛病个过程当中，有机会个认得了孙中山，个就改变了伊个一生。

投身革命

1893年，潘达微勒寻医生看毛病当中，碰巧认得了孙中山。勒孙中山个影响下头，潘达微开始有了搞革命个心。1895年，潘达微正式追随孙中山进行革命，但遭到伊个爷跟屋里厢人个强烈反对。为此，潘达微特伊个家主婆陈伟庄就离家出走，租房子住勒广州河南龙导尾。1899年，潘达微加入同盟会个前身兴中会。到1909年，潘达微做了同盟会广州分会个负责人。

为了宣传革命，潘达微和陈垣、高剑父、陈树人等人一道勒1905年8月，以赞育善社个名义，勒垃广州创办《拒约画报》（后改名《时事画报》）。1908年，个份刊物迁往香港。但到1910年，被迫停刊。

1911年，潘达微积极参与黄花岗起义个准备工作。起义失败后，潘达微冒着暴露自家个危险，以记者个身份到处奔走陈情，拿自家屋里个房子卖脱来买地皮，来安葬烈士遗骸。勒太史江孔殷个帮助下，伊觅得坟地，将烈士遗骸葬勒黄花岗（当时辰光叫红花岗）。

中华民国成立（1912年）以后，潘达微公开呼吁公祭黄花岗起义烈士及修建黄花岗七十二烈士墓园。箇年5月15号，广州各界群众首次公祭黄花岗起义烈士，公祭仪式由孙中山主持。

辛亥革命後

1913年，袁世凯当局大肆抓捕革命党人，潘达微也勒被通缉个名单朗。潘达微弗得弗逃到香港，受聘勒南洋兄弟烟草公司做事体。

1918年，黄花岗七十二烈士墓园动工，潘达微亲自主持修建；整个墓园历时三年而建成。

晚年生活

潘达微之墓，位于广州黄花岗

1921年，潘达微正式皈依佛门。勒后来个日脚里，伊潜心于佛学、摄影及国画，勒这些领域全部取得了一定个成就。伊参与冷庐影社个创建，也加入广东国画研究会。

逝世

1929年8月27号，潘达微因为生毛病而勒香港过世，享寿48岁。

影响

潘达微病逝以后，有得交关知名人士搭仔社会团体都送去挽联或花圈来表示哀悼。同年9月20号，南京国民政府国务会议通令褒扬潘达微。但当时个广东革命纪念会以「黄花岗处于界内，禁止附葬，经非先帅令布告，难以照办」个理由，拒绝让潘达微个遗体安葬勒黄花岗，只允许将伊个遗体安葬勒老早个模范监狱旁边。11930年8月4号，潘达微个灵柩运到广州，安葬勒旧模范监狱附近。

1951年8月20号，广东省人民政府拿潘达微个遗骸迁葬黄花岗。