滑雪大冒险

滑雪大冒险（英语：Ski Safari）是Yodo1, LTD开发个，2012年12月17号推出个一款跑酷游戏。游戏操作简单，只需要触摸屏幕就好操控角色跳起来躲脱障碍物逃生。玩家好执行各种高难度个滑雪动作，帮各种动物合作逃生。

争议

2022年7月份，国家计算机病毒应急处理中心通过互联网监测发现，游戏《滑雪大冒险》（版本2.3.8.14，豌豆荚发布个）呒没来勒用户使用过程当中明确告知申请个全部隐私权限，可能存在隐私弗合规个问题。另外，箇只游戏来勒向其他个人信息处理者提供用户个人信息个辰光，呒没提早通知接收方个名字、处理目的、处理方式、个人信息个种类咾啥个，也涉及到隐私弗合规问题。游戏还弗提供有效个个人信息更正、删除、账号注销功能，存在弗合理个账号注销条件，也是涉及隐私合规方面个问题。