淞沪线

淞沪线，即淞沪铁路，貤叫淞沪支线，地处长江、黄浦江合流入海个三角地区。1898年9月1号通车，一开始只设有上海、靶子场、江湾、张华浜、蕰藻浜5隻车站，每天开行8对旅客列车。

1939年上海畀日本人占领，由日伪“华中铁道株式会社”管理，名字改成功吴淞线。抗战胜利以後，修复到蕰藻浜，名字改回淞沪线，主要送旅客。

1963年2月春节以後，淞沪铁路转成功货运铁路，只挺下来隻江湾火车站。

1987年，上海北到江湾间开行阿末一趟火车。1990年，淞沪支线沿线居民瞎搭瞎造，侵占铁路地界，火车已经呒没办法正常开哉。

1997年，江湾站往南个淞沪铁路全部拆脱，只挺江湾站到何家湾站个铁轨搭仔货运服务哉。原线路个吴淞站到宝山路站变成功上海轨道交通3号线个淞滨路站到宝山路站段。