江湾火车站
（从江湾站转戳到箇里）
江湾火车站，貤叫淞沪铁路江湾站、江湾站[1]，是历史丄淞沪铁路个一座火车站，来勒上海市虹口区江湾镇街道[2]广纪路615号（靠近汶水东路）。弗过也有讲法表示，江湾站个遗址实际丄向来勒车站西路广纪路路口，也就是广纪路615号个北面。[3]
现在，广纪路615号附近有一座约莫2.4米高个钢筋水泥圆形碉堡，是淞沪会战个辰光留下来个物事。
历史
[编辑]
1898年9月1号，淞沪铁路通车，一开始只设有上海、靶子场、江湾、张华浜、蕰藻浜5隻车站，每天开行8对旅客列车。
1963年2月春节以後，淞沪铁路转成功货运铁路，只挺下来隻江湾火车站。
1987年，上海北到江湾间开行阿末一趟火车。
1997年，江湾站往南个淞沪铁路全部拆脱，改成功上海轨道交通3号线。江湾站只挺下来往北去何家湾站个铁轨搭仔货运服务哉。
2009年，江湾镇对江湾站旧址周边进行综合整治，恢复淞沪铁路江湾镇站个原貌，来勒江湾镇站原址摆仔老式个蒸汽机火车头、火车车厢，並造仔仿旧个站台[4][5]。
2011年5月19号上半天，淞沪铁路江湾站旧址揭幕[1]。
2016年，江湾火车站旧址丄造仔隻1876老站创意园区（明珠创意园区），原先个老式蒸汽机火车头咾啥个还保留勒[6][5]。
参考
[编辑]- ↑ 1.0 1.1 上海江湾站旧址再现淞沪铁路通车场景 (zh) (2011-05-20).
- ↑ “新江湾十景”连成线，焕新亮相等你来~ (zh) (2023-06-21).
- ↑ 图考沪城：真正的淞沪铁路江湾站原址在哪里？_澎湃号·湃客_澎湃新闻-The Paper (zh) (2020-06-09).
- ↑ 云游虹口“1876老站创意园”，揭秘“淞沪铁路江湾站”的前世今生 (zh) (2021-02-27).
- ↑ 5.0 5.1 上海140多年淞沪铁路江湾站旧址被拆？官方：正在改扩建_浦江头条_澎湃新闻-The Paper (zh) (2016-08-03).
- ↑ 缘起江湾：丰子恺的缘缘堂往事_铁路_火车_江湾镇 (zh) (2022-06-18).