流浪地球
《流浪地球》[1]是刘慈欣写个一部中短篇[2]科幻小说作品[3]。小说里向写仔人类为仔躲避灾难而勒拉地球浪装发动机，让伊勒拉宇宙当中流浪个故事[4]。箇部小说2000年7月份个辰光发表拉《科幻世界》杂志浪[5]，捞到伊一年个中国科幻银河奖特等奖[6][7]。2019年，根据箇部小说改编个同名电影上映[8]。
故事内容[编辑]
400年前，因为吓太阳氦闪个灾难，人类决定组成联合政府，拉地球浪装发动机，通过箇些行星发动机个推力拿地球推出太阳系，勒拉宇宙里向流浪，去比邻星开拓人类新个家园。整个流浪计划实施辰光长达两千五百年。
故事个主人公是一個普通人，刹车时代养出来，生活拉逃逸时代。伊呒没看到过黑夜同星星，也呒没看到过四季个变化；地球发动机带来个高温导致地面温度好高到70℃，日出也变成恐惧个象征。逃逸时代个辰光，伊搬进地下城。地下城里向个人活拉“太阳氦闪来了”个谣言当中，故咾阿末出现平民对联合政府个怀疑同“叛乱”。阿末太阳氦闪真个爆发哉[4]。
相关[编辑]
《流浪地球》2000年1月12号定稿。作者刘慈欣曾表示，几年以后，伊乘飞机个辰光看到地平线，想到“介大个地球，哪能可能是吾伲渺小个人类好推动个？《流浪地球》或许是痴人说梦……”后些来，伊问仔帮科学家，，晓得就算人类有核聚变技术，推动地球个能量，比小说裏写个规模还要高几個数量级[9]。”
该小说曾畀改编成电子游戏[7]，也畀收拉同名个短篇小说文集里向。2017年12月举行个GES 2017未来教育大会浪，前美国总统奥巴马收到刘慈欣送个英文版《流浪地球》（英语：The Wandering Earth），也就是箇本文集个英文版，2017年10月份才勒拉美国出版个，拢总收录10篇作品[10]。
另外，2017年5月26号，中国电影股份有限公司同北京京西文化出品发行，郭帆担任出品人、导演，作者刘慈欣监制个电影《流浪地球》正式开机。箇部电影2019年大年初一个辰光勒拉中国大陆上映[9][10][8]，阿末捞到46.88亿人民币票房。
参考文献[编辑]
- ↑ 流浪的地球 (豆瓣). 豆瓣网. 访问日脚2019-02-09.
- ↑ 肖隆平 (2019-02-09). "《流浪地球》不合科学逻辑，但超脱常识是文学特权". 新京报网.
- ↑ 李淼编著（2015-04）．《三体》中的物理学．成都：四川科学技术出版社，2-3．ISBN 978-7-5364-8068-1．
- ↑ 4.0 4.1 刘慈欣, 流浪地球（2008）．流浪地球．长江文艺出版社，293．ISBN 9787535438379．
- ↑ 冰点周刊 (2019-02-27). 《流浪地球》最早出现在2000年第7期《科幻世界》里.
- ↑ 历年科幻银河奖获奖名单. 科幻世界 (2012-10-15).
- ↑ 7.0 7.1 张英姿 (2018-12-26). 刘慈欣科幻在儿童文学视域下的代表作《流浪地球》赏析. 科普社. 访问日脚2019-02-09.
- ↑ 8.0 8.1 《流浪地球》定档2019大年初一中国科幻冒险启程 (zh-hans) (2018-10-26). 访问日脚2018-10-30.
- ↑ 9.0 9.1 屠晨昕 王金帅 毛玫菁 (2019-02-08). "流浪地球丨即使遭遇一个最坏的未来 我们依然能活下去". 浙江新闻客户端. Archived from the original on 2019-02-09.
- ↑ 10.0 10.1 "奥巴马来华“追星”获刘慈欣赠书 《流浪地球》同名电影明年将映". 中国日报中文网. 2017-12-05.