洋泾中学

洋泾中学是上海市实验性示范性高中，勒浦东八佰伴商业中心边浪，距离复兴东路隧道口300米，距离大连路隧道口800米。学堂现有47个高中教学班，学生2100人。学生生活区拥有800个床位，配有运动场所、浴室、自修教室等独立个生活学习设施。

历史沿革和发展定位

浦东名校洋泾中学创建于民国19年（1930年）秋，系上海顶早个4所市立中学之一、浦东顶早的公办学堂。“歇浦一衣带，中外寰瀛通，其左蔚人文，百年学有宗。”印证了已故国家政务院副总理、教育家黄炎培先生个诗文，洋泾中学历经烽火硝烟，风雨沧桑，勒浦东乃至上海人民心目当中具有深远影响。渠底蕴深厚，人文渊薮，名师荟萃，桃李芬芳。古老塔松傲然屹立，铮铮傲骨展现了学堂性格搭力量，喷泉雕塑迎送来宾，蕴意“双手托举明朝个太阳”。由教育家顾毓琇先生搭学堂音乐教师陈歌辛先生1932年谱写个校歌《红日涌东方》传唱至今，并已作为无形文物拨上海历史博物馆搭上海档案馆公开展出并珍藏。

中华人民共和国成立以来，学校涌现出一大批来拉国家重工、军工、航天、机械、电子自动化搭经济领域作出杰出贡献个高端科技骨干搭栋梁，1959年学堂跻身于上海市属重点中学之列；浦东开发开放以来，学校勒条件设施、教学管理、科研成果等方面获得了更高层次个发展搭提升，以“责任教育·自主发展”德育体系遐迩驰名，2005年学校成为前39所上海市顶优秀个实验性示范性高中之一。