泰米尔人

出自维基百科,自由个百科全书
泰米尔婚礼

泰米尔人(泰米尔文: தமிழர்)是南亚次大陆上一只重要个大型族群。伊拉使用泰米尔语,主要住拉印度半岛东南部地区,即乃朝印度泰米尔纳德邦安得拉邦喀拉拉邦。在拉海外,泰米尔人也是印度顶相信移民东南亚个族群,在拉斯里兰卡个东部搭北部地区、马来西亚、新加坡,侪有交关分布。

历史[编辑]

从公元前 4 世纪开始,印度半岛东海岸个市化搭商业活动,让泰米尔地区出现四只比较大个国家 Cheras、Cholas、Pandyas 和 Pallavas,伊拉长期为仔争夺统治地位相打相争。9世纪之后,朱罗帝国崛起,成为仔孟加拉湾顶大个海上帝国;13世纪之后,老早朱罗帝国个藩属国潘迪亚崛起,拿朱罗灭脱,代替仔伊个地位。17世纪之后,潘迪亚衰落,泰米尔分成功交关小邦国,后手来畀纳入英属印度里向哉。

文化影响力[编辑]

泰米尔商人集团从2千年之前开始,就一直望东南亚地区进行商业活动,成为印度文化朝印支半岛搭仔马来群岛传播个主要中介。泰米尔语是东南亚地区顶有影响力个印度次大陆语言,在拉马来西亚搭仔新加坡有得官方地位。

人口分布[编辑]

泰米尔人占印度人口个 5.9%,斯里兰卡人口个 15%,马来西亚总人口个 7%,毛里求斯总人口个 6%,新加坡总人口个5%。

宗教[编辑]

大部分泰米尔侪信印度教,少部分信伊斯兰教、基督教。