泰瑟尔个格鲁吉亚人起义

泰瑟尔个格鲁吉亚人起义（荷兰语：Opstand van de Georgiërs，1945年4月4号-1945年5月20号）是一场由驻扎拉被德国占领个荷兰岛屿泰瑟尔上个德军（即德意志国防军陆军）格鲁吉亚军团882步兵营发动个暴动。军营里向个格鲁吉亚人是畀德军俘虏个格鲁吉亚苏维埃社会主义共和国个苏联红军士兵，伊拉来勒1945年4月4号半夜里向控制几乎整隻泰瑟尔岛，除开岛南面北面海岸边浪个海军炮台。德軍个163海军保护团花仔两個礼拜拿岛打转来，要求俘虏为自家挖坟头，担伊拉处决。