泰国人妖

一排人妖

泰国人妖（泰语：กะเทย，羅馬拼音：Kathoey或Katoey，國際音標：[kaʔtʰɤːj]）是指从男性變成女性个泰國变性人，也叫ladyboy。

来古代，กะเทย是指雌雄同體，搭現代用來指扮裝者、變性者或男同志弗一样。

現代基本上所有个泰國變性人侪接受著荷爾蒙補充療法，大部分做過隆胸手術，有些已接受變性手術搭其他整形手術。通常泰國變性人很年輕就開始扮裝、注射荷爾蒙、整形等等。泰國變性人个扮裝搭身材通常非常女性化。蛮多个泰國變性人来娛樂業搭旅遊業做舞者、歌舞秀搭性工作。来娛樂業搭旅遊業之外个弗多，有些么是知名美容理髮師。泰國變性人通常來自社會低層。来泰國，如果一个家庭有個成為變性人个男老小，爷娘一般會觉着蛮失望个。法律上完全弗承認變性人，就算来變性手術过後，變性人也弗好變更佗里个法定性別。

1996年，一個大部分由男同志搭泰國變性人組成个排球隊（绰号「鐵娘子」）贏得全國排球大賽冠軍。但必过泰國政府以國家形象為由禁止其中兩個變性人以國手隊个名义参加國際比賽。泰國變性人排球隊个事体来2000年改編成賣座電影《人妖打排球》，並来勒2003年推出續集。

依照東森新聞2007年6月搭7月个報導，已常常看見娛樂業搭旅遊業之外个變性人，一所技術學堂也設立着變性人專用廁所。同志搭變性人也来伊个辰光成立「泰國同性戀政治群」，目的是为著同志權利向政府施壓。

有名个人物

• 泰國電影《美麗拳王》里向，主角个現實身份——帕莉亞，是一位參加泰拳比賽个知名變性人。

相册

• 
  芭塔雅个人妖
• 
  宝儿
• 
  贝儿