泥母

泥母是中古漢語个一個聲母，屬舌音裏向个舌頭音，即端組，次濁聲母。該聲母韻圖裏列得徠得一、四等，搭列得二、三等的孃母互補。

其例字如下：

一等	二等	三等	四等
男nom、弩nox、耐naih、捺nat			年nen、嫋neux、念nemh、涅net

擬音

由於大多數漢語方言、域外方音搭對音裏向，泥母个大多數字對應舌尖鼻音[n]，因此上音韻學界一致同意將泥母擬爲[n]。

多數現代漢語方言裏向，泥母字聲母保持爲n [n]。

部分下江官話，泥母與來母弗分，這種現象在粵語新近的懶音裡也越來越普遍。閩南語中泥母發生塞音化[n]>[d]，後來濁塞音[d]貤搭來母[l]相混，故今日閩南語漳泉話泥來亦弗分。晉語也有个種塞化現象，徠得敦煌藏文文獻記載个唐西北方音泥母也有个種變化發生。

朝鮮語中，泥母保持爲ㄴ [n]，但在大韓民國標準語中按照頭音法則，四等字徠得[j]前頭會脫落成零聲母ㅇ。比如“年”(nen)徠得朝鮮語中有년搭연兩讀。

日語中，泥母徠得吳音中仍爲な行[n]，漢音中塞化成だ行。

越南語中，泥母保持爲n [n]。