波尔布特

Pol Pot (1978)

波尔布特（高棉语：ប៉ុល ពត，罗马化：Pol Pot；1925年5月19号—1998年4月15号），原名沙洛特绍（高棉语：សាឡុត ស，罗马化：Saloth Sar），柬埔寨革命家、政治家，“波尔布特”是渠个化名。波尔布特出生拉磅同省隻富农家庭里向，1963年到1997年期间是红色高棉个实际最高领导人。伊勒执政期间推行极端农业集体化政策，造成大规模饥荒搭非正常死亡，被国际社会广泛谴责为20世纪最残暴个独裁者之一。渠个统治导致柬埔寨约四分之一人口死亡，留下深刻个历史创伤。1978年12月份，越南全面入侵柬埔寨，波尔布特等领导人撤退到西面泰柬边境个山区里向，组建民主柬埔寨国民军同越南对抗。越南撤军仔，波尔布特拒绝参加柬埔寨过渡时期联合国权力机构举行个1993年大选，拒绝交武器。1997年6月10号，波尔布特杀脱计划同新政府合作个宋成一家门，鞭尸，勒垃红色高棉里向引起众怒。几天后，波布畀塔莫克捉脱，判终身监禁，死勒监牢里。