法郎西斯一世

出自维基百科,自由个百科全书
Francis1-1.jpg
Francis1-1

法郎西斯一世(法文:François Ier,1494年9月12号-1547年3月31号),是文艺复兴辰光法兰西王国法国国王。1515年1月1号,继承自家爷叔路易十二个王位,开始统治法国。伊统治辰光,法国个君主专制开始成型,法国王室有邪气大个权力。为达到自家个野心,伊拿路易十二个亚平宁干涉继续深化,搭个辰光个西班牙国王,神圣罗马帝国皇帝卡洛斯一世发生邪气大个冲突,到1525年,双方立在帕威亚决战(帕威亚战役)。西班牙用自家新创造个西班牙大阵完全拿法国人做脱,法郎西斯一世畀西班牙人活捉,关到马德里一年多,让法国人付出交关钞票,才放回去。之后,迭个人就纵情享乐,立在卢瓦尔河周边修造城堡,弗管理国事哉。乃朝蛮多法国个世界文化遗产,侪是伊辰光修造个。有名个艺术家达芬奇,立在晏年,也因为法郎西斯一世个高薪聘请,到法国去搞艺术创作,并且,立在法国死脱。