汪明荃

来自维基百科
蹦到: 导航搜寻
汪明荃

汪明荃(Liza Wang 1947年8月28日—),青浦人,香港艺人。由于垃拉香港文艺界个崇高地位人称汪阿姐。佢曾经担任港区人大代表,也担任过八和会馆主席,现在是全国政协委员。

简历[编辑]

汪明荃个爷是青浦人,娘是崇明人。伊养拉崇明,乳名「小妹」,搭公公亲婆生活了一淘。

1956年秋天到香港去定居。因为欢喜表演,伊去应考丽个映声艺员训练班。千把個报名者只录取九個,伊就是其中一位。后首来,伊为仔让自家个演出更进一步,自费到日本去深造,迭個垃當時辰光来讲是一项创举。而伊学成转来,证明了佢个选择个正确性。

20世纪70年代是汪明荃頂风光时期。当时弗少重头剧就是由伊担任主角,包括家喻户晓个《家变》。伊演个女强人骆琳,形象深入民心,乃末也奠定仔伊电视剧一姐个地位。80年代,伊就凭借电视剧《万水千山总是情》里向个热血爱国女学生形象并主唱插曲《勇敢个中国人》而赢得省港澳观众个爱戴。由于当时香港个人大代表并非由香港人自行推选,而是由广东省个代表提名推选,乃末伊垃选举时畀多人提名,并踏上了从政个道路。后首来,伊多趟代表香港人向中央表达香港人个声音。

身为人大,伊垃选剧本更加审慎,为自讲伊90年代开始转任政协,并渐渐淡出政坛,重新展开演艺事业。1996年伊有曾意图参选临时立法会选举,男朋友罗家英钝伊:「阿姐啊,侬去参选临立会呀?如果有人擡隻棺材畀侬,侬哪介对付?」结果佢一如意料之中落选哉。

自此汪明荃又淡出政坛,重踏演艺事业。不过箇趟主攻粤剧,并成为香港粤剧界个头目。譬如垃2005年8月,汪明荃代表香港粤剧界搭新光戏院个业主商讨续租,希望业主为仔香港粤剧个前途而准许新光戏院以目前个租金续租三年。会后,双方召开记者招待会。汪明荃垃记者会浪,直指香港政府个各個局长嘴巴里向讲支持本地艺术发展,但对迭個事體一直弗予理会,是只講弗做,末脚要民政局长何志平承诺增拨资源大搞。可见汪明荃垃粤剧界个影响力。

2007年底伊又一趟当选香港粤剧工会八和会主席,迭趟当选也就意味仔伊垃新光,粤剧永久场地个桩事体浪向相将更加多个努力。希望汪主席达成心愿,为伊,为八和粤剧完成个桩大事。

主要作品列表[编辑]

  • 《永恒的春天》 (饰演一位失明女子)
  • 《家变》 (饰演一位父亲突然失踪,而要独立承担家庭责任个商界女强人骆琳。佢个鲜明形像,特别是处事时个刚强果断,受当时香港人爱戴。)
  • 《书剑恩仇录》饰演 霍青桐
  • 《宝莲灯》
  • 《楚留香》
  • 《倚天屠龙记》 饰演 赵明 (旧版名称,即赵敏)
  • 《京华春梦》 饰演 贺燕秋(金振西(刘松仁饰)个初恋情人、一个热血爱国个女学生)
  • 《千王之王》
  • 《千王群英会》 饰演 霍思灵

外部链接[编辑]

Commons-logo.svg
维基共享资源里向寻得着搭该篇文章搭界个多媒体资源: