江户城

江户城

江户城（日文：江戸城，假名：えどじょう）是来在东海道武藏国丰岛郡江户（瑲朞个東京都千代田區千代田）个一座和城，搭乃朝个东京皇居重合。渠是日本中古到近古辰光存在个一座大型军事堡垒，江户时代德川幕府历代将军个居拉个地方。

在江戶時代，一般性把渠叫江城（こうじょう），也有得儂謳渠千代田城（ちよだじょう）。

江戶城在麴町臺地个東許，是扇谷上杉氏个家臣太田道灌造个一座平山城。貤經過近世德川氏个改修，城郭周圍大概有4里，是日本戈矛面積頂大个城郭。

迭个城堡老早有日本顶顶大个天守阁。弗过后势来畀闪电劈著火，就朆重修哉。江户城有邪气大个建筑群，有名个日本后宫大奥就是立在箇地个。

德川家康進入著後首，江戶城變成功德川家个居城；江戶幕府開幕後首貤成著幕府个政廳。在明治維新後頭个遷都東京裏成爲著宮城（きゅうじょう）。後來，吹上庭園成爲著御所，舊江戶城西之丸成爲著宮殿用地。東面个舊江戶城中心本丸、二之丸搭三之丸个舊址乃朝作爲皇居東御苑開放畀人家參觀。東南許个皇居外苑咾北半爿个北之丸公園平常日腳也開放，外頭个土地也是一般性好利用个土地。

乃朝，江戶城畀日本國指定爲特別史蹟。