汉书

吴语维基百科,自由个百科全书
跳到导航 跳到搜索

汉书》,又名《前汉书》,是中国头一部纪传体断代史廿四史之一。东汉班固所著,沿用《史记》体例而略有变更,改“书”为“”,改“列传”“世家”为“传”,改“本纪”为“纪”。全书包括纪十二篇,表八篇,志十篇,传七十篇,共一百篇,记载上自西汉汉高祖元年(前206年),下至新朝地皇四年(23年),拢共230年个历史。语言庄严工整,多用排偶,遣辞造句典雅远奥,搭《史记》平畅口语化文字形成鲜明对比。中国纪史方式自《汉书》以后,侪仿照其体例,纂修纪传体断代史

班彪起即以著《汉书》为己任,经过廿几年努力,儿子班固完成了《汉书》主要部分。汉和帝永元元年(89),班固跟牢窦宪出击匈奴,参预谋议。后因事入狱,永元四年死拉狱里。当时《汉书》还听八搭《天文志》朆写,汉和帝命班固阿妹班昭(曹大家)入东观藏书阁补作,马续协助班昭作著《天文志》。为著讲《汉书》前后历经四人之手完成,历时四十多年。《汉书》注疏当中,顶有名气个是唐颜师古注、清王先谦补注。