出自维基百科,自由个百科全书

化学元素,符号Rn,原子序数86,属于稀有气体。呒色、呒臭、呒味,有得放射性。渠是自然衰变后个间接产物,顶稳定同位素是222Rn,半衰期3.8天。常规条件下头,氡是只含放射性同位素个气体,是密度顶高个气体物质之一。

1899年,居里夫妇发现镭发出个放射性气体,隔年道恩讴渠“镭射气”(radium emanation);1899年,欧文斯搭卢瑟福发现钍个放射性产物,讴“散发物”(emanation),第三年拿元素发现名誉畀拉居里夫妇;1904年德贝尔恩发现锕个放射性产物。

三種气体先后有得多套命名方案:1904年exradio、exthorio搭exactinio,1918年radon、thoron搭akton,1919年radeon、thoreon搭actineon搭著1920年最终版radon、thoron搭actinon。拉姆齐继(搭Collie提出)1904方案之后,1910年又搭格雷提出镭射气个新名字“niton”(<拉丁语nitens“发光”+on“惰性气体),国际原子量委员于1912年采纳。1931年,玛丽·居里、卢瑟福、德贝尔恩共同发文,要用卢瑟福最初个命名Emanation作为三隻同位素个正式元素名。但是元素周期表一径用顶稳定个同位素radon作为元素名,另外两隻同位素thoron、actinon改名220Rn、219Rn。个咾看早期文献一定要当心,radon指个只是222Rn,而不是三種emanation个统称。