松赞干布

吴语维基百科,自由个百科全书
跳到导航 跳到搜索

松赞干布(-650年),悉补野氏[1][2][3],伊是吐蕃雅鲁王朝个第33任赞普,也是吐蕃帝国个建立者,在位辰光大约莫是勒公元629年到650年。伊个阿伯是前任赞普囊日论赞

伊本来名字叫赤松赞[4]“松赞干布”是伊个尊号,意思是“心胸深邃个松赞”。[5]古代书里还有更加勿一样个叫法,像《新唐书》里有弃宗弄赞弃苏农,《册府元龟》里个称呼译器宗弄赞器宋弄赞不弗弄赞,《通典》是弃苏农赞[6]勒伊在位期间,吐蕃个版图扩大了交关,定都拉萨,还确立了吐蕃个政治、军事、经济及法律等制度,为后首来吐蕃变成一只强盛大国打下了基础。他通过特之泥婆罗(现在个尼泊尔)个联姻,提高了吐蕃个工艺技术水平;而通过跟唐朝个和亲,从唐朝引进当时先进个科学医学历法,提高了吐蕃人个文化水平。据说佛教也是通过个两趟联姻开始进入西藏。拉萨牢有名个布达拉宫也是伊在位辰光造个。

松赞干布特伊个两位王妃赤尊公主文成公主三家头,到现在还是老受藏族人尊敬、崇拜个。

注釋[编辑]

  1. 又作鹘提悉补野,旧唐书译作窣勃野。
  2. 《敦煌本吐蕃历史文书增订本》,161页、173页。
  3. 《旧唐书·吐蕃传》:遂改姓为窣勃野,以秃发为国号,语讹谓之吐蕃。
  4. “赤”加于赞普(国王)或赞蒙(赞普的妻室)的名字前,表示对其的尊敬。(《西藏王统记》,196页脚注511)
  5. 《贤者喜宴》摘译二,13~14页(总36~37页)
  6. 《敦煌本吐蕃历史文书增订本》,212页