东海
（从東海转戳到箇里）
东海，也叫东中国海（英文：East China Sea，日文：東シナ海），是东亚中央个大海，因为立在中国东面，所以叫箇名字。东海立在长江口以外个大片海域，南面过仔台湾海峡到台湾南端鹅銮鼻搭仔广东南澳岛连线，望南是南海；北面过仔长江口北面搭韩国济州岛个连线是黄海，东面隔开琉球群岛是太平洋。东海面积大约匝是70来万平方公里，平均深度1000多米，最深个落场勒靠近冲绳岛西面个（冲绳海槽），大约匝2700米。盐度31-32‰，东部34‰。海水温度平均9.2℃。冬季南部水温20℃以上。整隻海区连勒北纬21°54′～33°17′，东经117°05′～ 131°03′当中。
有名个黑潮暖流从台湾岛东面北上，有一分支通过巴士海峡进入台湾海峡，另外有一分支拨中国学者叫做黄海暖流，进仔东海北部，影响黄海。
参见
[编辑]| 中国海洋 | |