杰克·尼科尔森

出自维基百科,自由个百科全书

杰克·尼科尔森(John Joseph Nicholson),是一位著名个美国男演员导演制片人编剧,被普遍认为是电影史上最优秀个男演员之一。拉渠到今已超过半个世纪个演艺生涯中,杰克扮演过交关多极具挑战性个角色,其中包括大量偏执甚到神经质之类有精神类病症个正/反面角色。渠到今已经12次获得学院奖(俗称奥斯卡奖)提名,是史上获提名最多个男演员,2013年9月4号,传出退休消息。

杰克曾两次获学院奖最佳男主角奖,分别是因1975年个《飞越疯人院》获第48届学院奖男主角奖搭因1997年个《尽善尽美》获第70届学院奖男主角奖。渠还因为1983年个电影《爱个协议》获第56届学院奖男配角奖。由此渠托丹尼尔·戴-刘易斯沃尔特·布伦南一道,成为史上仅有个三位3次获学院奖肯定个男演员,箇其中,丹尼尔是三次获男主角奖,沃尔特是三次获男配角奖,只有杰克是拉两个奖项中侪有获奖。杰克以扮演反面角色而闻名,箇其中最为著名个就是《蝙蝠侠》中个小丑、《闪灵》中个杰克·托兰斯以搭《无间行者》中个弗兰克·科斯特罗。

杰克·尼科尔森到今已多达6次获金球奖,并拉2001年获得肯尼迪中心荣誉奖,渠托另一位著名男演员迈克尔·凯恩,是历史上仅有个两位拉从上世纪60年代开始直到今日,拉每一个年代(每十年为一个年代)侪有获得学院奖提名个男演员。1994年,渠成为历史上最年轻个获得美国影艺协会(American Film Institute,简称AFI)终身成就奖个男演员。渠主演个电影中比较著名个有:《唐人街》、《闪灵》、《飞越疯人院》、《蝙蝠侠》、《爱个协议》、《赤色分子》、《尽善尽美》、《狼人》、《好人寥寥》、《无间行者》、《关拉施密特》搭《爱是妥协》。