朴泳孝

朴泳孝（韩文：박영효，1861年7月19号—1939年9月21号），近代韩国有名个政治人物，开化党搭亲日派个代表。

生平

初名无量，字子纯，号春皋、玄玄居士，出生两班贵族个潘南朴氏，伊爸爸朴元阳是一个嘸啥铜钿个文人。

1872年朝鲜哲宗寻驸马，把自家个女小孩永惠翁主当老公，朴泳孝畀选中，封锦陵尉，朝鲜王室侪欢喜伊，虽然翁主结婚之后三个月头就故脱，但朴永孝还是继续成为皇亲国戚，并且参与到蛮多朝廷决策当中。1876年，伊负责接待宗主国清帝国个世子册封使，1878年，伊担任五卫都总府个都总管。1881年，畀任命为判义禁府事。在拉迭戈阶段，伊搭金玉均、洪英植、徐光范之类两班贵族个后代开始形成“开化党”，一道计划让朝鲜王国开始西化改革。

1882年初，伊计划搭与开化党同志金玉均、徐光范等，一道到日本考察，但因有事体，最后弗曾成行。

1884年，伊参与金玉均搞个甲申政变，失败后，朴泳孝畀朝鲜当局宣布为“国贼”，只好跑到日本，导致朝鲜王国要求日本引渡伊。为保障自家个安全，朴泳孝在拉1885年到美国避难。但到美国以后，发觉美国搭伊弗上路，乃末只好又回到日本，并取日本姓名“山崎永春”。1888年，朴泳孝写了一个13000字个改革意见书，以上疏形式发表，后世拿迭个文件叫做“开化上疏。

1894年东学党事变之后，朴泳孝得到日本个支持，回到朝鲜王国，日本人又让朝鲜王室免脱伊之前个通缉令，让伊恢复老早个皇亲国戚身份，并当上内部大臣，主导甲午更张，伊本身准备拿自家在拉日本个想法侪投入到实践当中，但之后几个月头当中，虽然拿大院君搭仔金弘集个派别侪挤出朝廷，但弗曾想自家也成为闵妃个排挤对象，只好第二趟亡命日本。

之后，朴永孝重新跑到美国，一直寻机会想重新回到朝鲜王国。1907年，迭个辰光已经改名字叫大韩帝国个朝鲜，重新因为日本个干涉越来越动荡，朴永孝寻着机会，又返回国内，伊本身想希望自家成为日本维持关系个凝结核，弗曾想，到迭个阶段，日本老早仔培养出一批更加亲日个派别人物哉。伊回国后嘸几个月头，就因为反对日本，畀日本流放。

后首来，朴泳孝转变思想，觉得朝鲜已经弗可能对抗日本，改变态度，决定搭日本合作。

1910年代，日本吞并朝鲜之后，颁布“朝鲜贵族令”，封朴泳孝为侯爵。之后，伊回到汉城，接受了日本爵位。1911年，伊任朝鲜贵族会会长，1918年任朝鲜殖产银行理事。1919年之后个廿年当中，伊一直是日本在拉朝鲜半岛顶层个支持者，1939年9月21号故脱。