朴正熙

朴正熙

朴正熙（韩语：박정희／朴正熙 ^{Bak Jeonghui}；1917年11月14号—1979年10月26号），是20世纪中后期长期统治大韩民国个军人搭独裁者。伊立在1961年开始统治韩国，一脚到伊1979年畀人刺杀为止。箇当中，韩国经济起飞，迅速成为新兴经济体。弗过，因为伊个铁腕手法，也遭到交关左翼个批评搭攻击。伊勒1972年推行"维新体制"，废脱总统任期限制，实行实质浪个终身独裁统治，通过中央情报局（KCIA）镇压反对派，严格控制媒体，打压任何勿同政见。

朴正熙个统治方式引发交关争议。经济高头，虽然国家整体发展哉，但伊主要依靠压榨工人、扶持三星、现代咾啥个大财阀来实现增长，工人少有基本权利，社会贫富差距大。对外关系高头，伊勿顾民众强烈反对，强行搭日本建交，派兵参加越南战争来换取美国援助。阿末，1979年10月26号，伊勒饭局浪畀自家个中央情报部部长金载圭开枪刺杀。