月食

来自维基百科
蹦到: 导航搜寻

月食,咦寫作「月蝕」,是當月球運行進入地球陰影(本影部分)个辰光,原本可畀太陽光照亮个部分,有部分或儕弗能畀直射陽光照亮,让地球上个觀測者看弗着普通月相个天文現象。月食發生時,太陽地球、月球来勒差弗多同一條直線上,因而月食一定發生勒滿月个夜里(農曆十五、十六、或十七),像煞《說文》所說「日蝕則朔,月蝕則望」。地球陰影位於地球公轉軌道面(黃道面)內,箇平面搭月球軌道面(白道面)並弗重合,黃白道面交角5度左右;大多數滿月時,月球弗勒黃道面內,而是朝向偏北或偏南,弗勒地球陰影以內,因此並弗是每届滿月辰光儕發生月食。全球每年至少發生兩次月食。

類別[编辑]

月食有三種:月全食、月偏食搭半影月食,嘸月環食个現象。

月全食[编辑]

来整個月球進入地球个本影內前後儕會發生月偏食搭半影月食。

月偏食[编辑]

當月球只有部分進入地球个本影前後儕會發生半影月食。

半影月食[编辑]

月球只是掠過地球个半影區,月面个光度減弱一微微,所以弗容易引人注意。

月食過程[编辑]

2007年3月3号,来英格蘭約克郡-亨伯西約克郡利茲所看到个月全蝕過程。
  1. 半影月食:月球剛剛搭半影區接觸,箇辰光月球表面光度稍為減少,弗過肉眼難看出来。
  2. 初虧(只有月偏食和月全食):月球由東緣進入地影个一刻,月球搭地球本影第一次外切。
  3. 食既(只有月全食):月球完全進入地球本影个一刻,並搭本影第一次內切。
  4. 食甚(適用於月全食):月圓面中心搭地球本影中心最接近个瞬間,此時前後月球表面呈現紅銅色或暗紅色。
  5. 生光(只有月全食):月球開始離開地球本影个一刻,並搭地球本影第二次內切。
  6. 復圓(只有月偏食和月全食):月球完全離開地球本影,搭地球本影第二次外切。
  7. 半影食終:月球離開半影,整個月食過程正式完結。