明朝浙闽民变

出自维基百科,自由个百科全书

明朝浙闽民变,指个是朝正统个辰光浙江福建一带个起事,其中以福建个邓茂七搭浙江个叶宗留为首,相互呼应,勒各地搭明军打仗。明英宗派都督刘聚、宁阳侯陈懋分兵进攻,勒正统十四年、景泰元年分别平息民变。 正统十二年二月,叶宗留聚众盗掘少阳坑,几个月过后,因为觉着收获忒少就弗做哉。搿一年九月,叶宗留勒云山召集之人,勒各地掘坑场侪呒没收获,最后回到庆元。之后带之几百个人来抢政和县还有其他村落,此后召集几千个人,再遣召龙泉良葛山人叶七做老师,训练人员,之后带之人从浦城去抢建阳,途中跟牢个人交关多。之后再抢之建宁,堵截交通。 搿一年十一月,张楷奉命讨伐邓茂七,大军到之广信,俚认为叶宗留堵脱之道路,弗敢前进。福建派人督促张楷进师,而浙江各部喊俚带兵进浙江来打退叶宗留。江西御史韩雍讲:“叶宗留近在咫尺,门庭之寇,皆国家事,怎么可以按照疆域而设计?”张楷弗晓得听从哪方个主张。指挥戴礼就请求愿意去,张楷就让俚带之五百个人去。但不过都督陈荣讲事体忒急,大军抵达倒只派一步将领去,朝廷晓得会的下罪个。张楷就畀之陈荣两千部队,领戴礼去哉。戴礼先勒黄柏铺碰着叶宗留军,之后双方死伤相等。叶宗留搿歇辰光身浪着之绯衣带之人勒前头,中流矢死脱。但不过官军弗晓得俚就是叶宗留。叶军退到山里,拥立叶希八为首,勒玉山十二都设伏。戴礼搭都督陈荣中伏阵亡。叶希八之后放火烧浦城,还到之龙泉,领几万人来守云和、丽水,之后陶得二、陈鉴胡等人侪领之人跟牢俚。张楷听之上报过后,再领军进攻,搿歇辰光刘得新已经领江西军勒建阳击退邓茂七,道路畅通。张楷就领军进入福建,搭刘得新会师,取道进之建宁。 十二月,叶宗留党羽周明松等,四次进攻金华武义、崇安、铅山县等。朝廷担心俚搭福建军会和,要处州个监察御史朱瑛搭太监分守要地。朱瑛下榜谕胁从,示以祸福,降者甚多。之后用计捉牢周明松等人,送到庆元。搿歇辰光谍报叶军将领黑面大王带之三万人进攻截取周明松。太监吓的要走,朱瑛弗动,马上杀脱周明松等,勒集市暴尸。叛军听之过后,率众离开。 叶希八等人占领之云和山几个月过后,认为守牢山弗方便,就打算进攻处州府。守臣派人到杭州府告急,御史让都指挥沈鳞、参议耿定、佥事王定带兵四千,到处州防备。之后诸守臣再派人告急,朝廷制定都指挥徐恭为总兵,孙镗、陶瑾为左右参将,工部尚书石璞督诸军讨伐。碰着沈鳞、耿定、王晟领千户杨清等勒丽水搭叶军打仗过后大败。徐恭也领兵二千到处州,守城弗敢出。叛军进攻处州,声言取金华,搿歇辰光张楷大军还朆到。 叶希八也分兵进犯江西广信,永丰县知县邓颙畀捉牢杀脱。陈鉴胡攻破松阳、龙泉,屯军勒金山岩,分别攻占青田、武义、义乌东阳,自号“太平国王”,改泰定元年。丽水县丞丁宁派王世昌等人到叶军巢穴,下谕陈鉴胡,陈鉴胡归降,朝廷晋升丁宁做处州府同知,王世昌等授巡检。陈鉴胡畀押送到京师入锦衣狱。