日喀则市定日县“1·07”地震

日喀则市定日县“1·07”地震，指个是北京辰光2025年1月7号9点05分发生勒中华人民共和国西藏自治区日喀则市定日县个一趟矩震级7.1级个地震，震源深度约10公里。截至1月7日19时，地震已造成126人遇难、188人受伤。

构造背景

地震震中来勒青藏高原拉萨地块里向，距离地震最近个断层是约11公里远个丁木错断裂，震源机制是拉张型破裂。印度板块帮欧亚板块碰撞造成个青藏高原抬升、地壳缩短增厚外加广泛个高原变形，是控制中国大陆西部构造变形个主要动力学机制。青藏高原南部地区同时受到南北向挤压搭仔东西向拉张应力个作用，发育有近南北向搭近东西向两种典型断裂。箇种强烈地壳形变作用下头，拉萨地块搭周边个断裂带活动特别强烈。中国地震台网中心专家认为，箇趟地震是拉萨地块个一次能量释放。

影响范围

箇趟地震震中来勒定日县措果乡，震中20公里范围里向人口约6900人，有3只乡级行政区驻地搭仔27只村。

箇趟地震导致定日县搭仔附近个拉孜县、萨迦县弗同程度受灾。，邻国尼泊尔、印度亦有明显震感。

人员财产损失

截至1月7号15点钟，已确认至少95人死脱、130人受伤，上千间房屋坏脱，震中附近亦有停水停电报告，弗少老百姓来勒室外避难。

受地震影响，出于安全考虑，定日县境内个珠穆朗玛峰景区从1月7号10点开始暂停对外开放，恢复辰光另行通知。

另外，地震导致拉日铁路一度停运。铁路部门来勒地震发生以后一度让拉日铁路卡如站到日喀则西（含）间线路停运，扣停C885次列车，1月7号当天日喀则到拉萨个C886次旅客列车也临时停运。地震还导致219国道定日县措果乡路段坍脱。