无敌舰队

出自维基百科,自由个百科全书
Invincible Armada.jpg
Invincible Armada

顶好运个无敌舰队(西文:Grande y Felicísima Armada)是英西战争当中,西班牙国王费利佩二世为攻击大不列颠岛英格兰王国本土,命令组织个一只巨型海上武装力量。迭个舰队从1586年开始筹集。弗过运道弗大灵光,立在出发前,主帅死脱。立在英吉利海峡初战失败之后又遇到大风暴。最后多数舰船畀风暴刮沉。英格兰避免受到西班牙陆军登陆。迭个事体,立在后势来个英国历史学家当中吹成所谓个西班牙衰落起点。但事实浪,即便立在英西战争之后个战争中,西班牙依然完全占据上风。英格兰只好立在1604年签署有利西班牙个条约。弗过无敌舰队个失败也标志西班牙对北海地区制海权争夺个退出。为日后控制西属尼德兰个隐患埋下伏笔。