方腊起义

简介

北宋末年，江南地赋税繁重，宋徽宗设“苏杭应奉局”搜刮花石纲等民间财物。方腊发出之“东南之民，苦于剥削久矣”个呼声，江南百姓纷纷响应。方腊勒1120年10月勒歙县七贤村起义，建立之覆盖大半个吴越地区（包括今朝江苏南部、浙江、安徽南部）个政权，勒搿歇辰光影响交关大。 1121年夏起义失败，方腊畀捉，押到之汴京，畀宋朝杀脱。

历史

宋徽宗时，睦州青溪人方腊，原本是漆园主。相传俚性情豪爽，深得人心，能号召弗少生活困苦个农民。宣和二年十月初九（1120年10月）方腊勒歙县七贤村起事，假托“得天符牒”，宣称：“今赋役繁重，官吏侵渔，农桑不足以供应。吾侪所赖为命者漆楮竹木耳，又悉科取，无锱铢遗。”“且声色、狗马、土木、祷祠、甲兵、花石靡费之外，岁赂西、北二虏银绢以百万计，皆吾东南赤子膏血也！”“独吾民终岁勤动，妻子冻馁，求一日饱食不可得，诸君以为何如？”青溪的农民闻风响应，人数到达万人，贼军尊称方腊为“圣公”，改元“永乐”。

宣和二年，宋徽宗下令停运花石纲，又派童贯做江浙宣抚使，谭稹做两浙路制置使。 宣和二年十一月廿二号方腊军勒青溪县息坑（今浙江淳安西）全歼两浙路常驻官军五千人，兵马都监察颜坦畀杀脱，继续打下青溪，俘获县尉翁开，十二月初，打下睦州搭歙州，直逼搿歇辰光花石纲指挥中心个杭州。处州霍成富、陈箍桶等人侪加入战局，衢州摩尼教个组织也起兵响应。方腊军勒极盛个辰光建立之包括江苏、浙江、安徽、江西六州52县个政权，对宋朝威胁交关大。 十一月廿九号，方腊军攻进杭州，杀脱两浙路制置使陈建、廉访使赵约，掘蔡京父祖坟墓。搿歇辰光太学生吕将建议，先进兵江宁（今朝南京），据长江天险，来阻止宋军过江。方腊弗听，准备进攻婺州、衢州。宣和三年正月，童贯搭谭稹分兵两路，分别往杭州搭歙州进击，准备勒睦州会合。 宣和三年正月，方腊派方七佛北上，攻破崇德县，进湖州境内，搭王禀个东路军激战，方七佛打败，退守杭州。搿歇辰光方腊攻下婺、衢两州。二月方七佛部粮尽援绝，只好退出杭州。三月方七佛再次进攻杭州，王禀搭俚勒城外开战，斩首五百级。又勒桐庐开战，方七佛又输脱。

杭州一战，逆转之整个战局。刘镇部攻破歙州，刘光世部打下兰溪县，王禀部打下青溪县，郭仲荀部打下上虞县。四月初二，宋军攻下衢州，摩尼教教主郑魔王畀捉。童贯用中军驻守杭州。搿歇辰光方腊残军还有廿万，虽力战而败，逃进帮源洞，深据其中，宋兵弗敢进。 宣和三年（1121年）四月廿四号，宋军发动总攻击。王渊个裨将韩世忠，潜行清溪溪谷，问一个女人路，前捣清溪幫源洞，捉牢方腊，后来忠州防御使辛兴宗领兵堵牢洞口，占为己功。方腊搭部下方肥等五十二个人畀捉，七月戊子，童贯俘方腊送到首都汴京，八月廿四号丙辰拿俚杀脱。搿个月童贯加太师，进封楚国公。

方腊余党散走浙东，五月，俞道安从温州永嘉县楠溪攻占乐清县，由郭仲荀搭姚平仲继续围剿，宋军姚平仲部攻破台州仙居。六月，吕师囊转战黄岩，畀宋军折可存部击灭勒断头山。七月，俞道安部转战处州，十月战死勒永康县山区。