新普育堂

新普育堂垃拉上海市黄浦区普育西路105号，是上海市优秀历史建筑。新普育堂是20世纪上半叶上海最大个收容社会弱者个设施。今场址为上海民政博物馆。

普育堂建于清末同治年间个上海城内陶沙场，用来收容救治难民个场所。1912年，堂主陆伯鸿另辟陆家浜同仁辅元堂（今地），建成五排两层楼房，为新普育堂。新普育堂隶属于当时个上海慈善团。新普育堂从事收养、医救等慈善活动，政府会得畀此堂一些资金补助。新普育堂南面边是中小学堂搭慈幼会。“五卅运动”（1925年）之后，上海实业界兴起。新普育堂提供场地，于1928年11月，举办中华国货展览会。为了纪念箇趟事体，新普育堂路改名为国货路。陆伯鸿拉1937年被刺杀，之后，新普育堂运作困难。

1949年之后，人民政府改建新普育堂为上海市儿童福利院。21世纪后，国货路上学堂校舍被拆脱建成第九人民医院黄浦分院。福利院改建成上海民政博物馆。