斯洛文尼亚历史

斯洛文尼亚有文献记载个历史可追溯到前5世纪。青铜器时代早期，伊利里亚人已居住拉此地。斯洛文尼亚曾被神圣罗马帝国统治将近1000年。

早期

拉冰河时期末期，斯洛文尼亚曾有尼安德特人居住。拉铁器时代，伊利里亚人搭凯尔特人部落居住拉此。

前1世纪，罗马人征服此地，建立潘诺尼亚搭诺里库姆省。

6世纪，斯拉夫人来到斯洛文尼亚并拉此定居。7世纪，当地兴起第一个斯洛文尼亚族国家，即卡拉塔尼亚公国。

745年，拉新出现个阿瓦尔人压力下，卡兰塔尼亚搭现今斯洛文尼亚个斯拉夫人地区，由巴伐利亚统治，并搭巴伐利亚公国一起加入了加洛林帝国。而卡兰塔尼亚人搭别样居住拉今朝斯洛文尼亚个斯拉夫人皈依基督教。卡拉坦尼亚东部地区拉745年到795年之间再次由阿瓦尔人统治。

1000年，《弗赖辛手稿》为斯洛文尼亚语现存最早个文字记录，也是历史上第一个以拉丁字母书写个斯拉夫语言。

14世纪，斯洛文尼亚大部分成为哈布斯堡个领地。此后，长期被神圣罗马帝国统治。

16世纪，宗教改革拉斯洛文尼亚传播。

拉18世纪初期到19世纪初期，斯洛文尼亚经历和平时期。从18世纪中期开始，经济开始温和个复苏。18世纪后期，斯洛文尼亚语言标准化开始。

拉1805年到1813年间个法国拿破仑时代，斯洛文尼亚人居住地区为法兰西帝国伊利里亚省个一部分。尽管法国个统治是短暂个，但是渠畀斯洛文尼亚人带来自信搭自由个觉醒。

1848年革命之后，斯洛文尼亚人个民族意识逐渐高涨，要求自治个呼声日益提高。

1918年，奥匈帝国拉第一次世界大战中战败，旋即崩溃。斯洛文尼亚成为塞尔维亚人、克罗地亚人搭斯洛文尼亚人王国个一部分。1929年，更名为南斯拉夫王国。

第二次世界大战辰光，轴心国入侵南斯拉夫，斯洛文尼亚大部分由纳粹德国、意大利王国搭匈牙利所兼并，战后又以加盟共和国个身份重归南斯拉夫。

二战之后，斯洛文尼亚继续留拉南斯拉夫社会主义联邦共和国。斯洛文尼亚是南斯拉夫境内最发达个地区，但渠个财政收入却有咾多用来补贴南部较弗发达个共和国，迭个让咾多斯洛文尼亚人感到弗公。1980年，南斯拉夫领导人铁托逝世后，斯洛文尼亚政府开始自行进行一系列个政治、经济改革。

1989年9月，通过修正案，重申斯洛文尼亚加盟共和国脱离联邦个权利。1990年4月，斯洛文尼亚举行首次自由选举。1990年12月23号，斯洛文尼亚进行全民公决，88%赞成独立。1991年6月25号，斯洛文尼亚宣布独立。南斯拉夫随即向斯洛文尼亚宣战并派兵，但十天内便撤退，双方伤亡轻微，史称十日战争。

1992年，欧洲共同体承认斯洛文尼亚为独立国家，并接纳斯洛文尼亚加入联合国。

独立后，斯洛文尼亚奈注意力转向西方。

2004年3月，加入北约。5月1号，加入欧盟。2007年1月，加入欧元区，正式启用欧元。

2007年12月21号，成为申根公约会员国。