文莱历史

吴语维基百科,自由个百科全书
跳到导航 跳到搜索

文莱苏丹国个统治曾存在于14世纪搭16世纪。渠个领土涵盖婆罗洲北部搭菲律宾南部,但迭一地方势力拉欧洲人个影响下逐步走向终结。后来,文莱搭西班牙有过一次短暂冲突,并取得了胜利。文莱帝国(也称渤泥国)拉19世纪辰光达到顶峰后,因领土过多丧失畀砂𦛨越个白人拉惹而导致渠日渐衰落,最终造成乃朝个陆地狭小搭两厢分离个局面。作为前英属殖民地,文莱拉1888年到1984年期间还是英国个一个保护国。

前苏丹国时期[编辑]

拉欧洲人跟随麦哲伦船队个脚步来到以前,文莱历史主要依据当地传说个猜测搭对中国史籍个解读而来。有历史学家相信,乃朝所晓得个文莱苏丹国,可能起源于7世纪婆罗洲西北部一个名为“维贾耶普拉”(Vijayapura)个小国,可能是苏门答腊强大帝国三佛齐个一个从属国。而另外一个起源可能,则被认为是名叫“渤泥”(Po-ni)个小国。到了10世纪,渤泥国搭宋朝开始接触并交好,甚至拉一定程度上搭渠形成附庸关系。到了14世纪,渤泥被归入来自爪哇个满者伯夷帝国个统治下头。Prapanca拉渠于1365年编著个《Nagarakretagama》一书个第14章节中,提到“Berune”是满者伯夷个一个诸侯国。然而,更能体现迭种状态个莫过于渤泥对满者伯夷个朝贡关系,侪是因渤泥每年侪要向满者伯夷进贡由槟榔树个嫩绿果实所鲜榨而成个一罐槟榔汁。

托中国关系搭“京那峇当岸”[编辑]

文莱拉元代史籍中称“渤泥”,明代史籍中称“文莱”。文莱长期受中国文化影响,13世纪后呈现伊斯兰化。当代文莱由浡泥国苏丹马合谟沙(Muhammad Shah)搭福建移民黄森屏所率领个华人社团联手建成。而马合谟沙个儿子、苏丹麻那惹加那则曾于1408年到访中国,后逝世并拉南京安葬,为浡泥国王墓。

伊斯兰教搭黄金时代[编辑]

14世纪,文莱伊斯兰教君主国脱离爪哇个控制,拉14世纪到16世纪邪气强大,国土包括菲律宾南部搭仔纳闽、砂拉越搭沙巴。

15世纪,渤泥国搭穆斯林个马六甲王国关系密切。

欧洲殖民时代[编辑]

文莱拉本区域个关系因欧洲列强各方个变化而弗同。拉多数情况下,葡萄牙人更加倾向于同地区大国拉经济搭贸易方面取得联系,故对文莱个发展干预咾少;然而双方并没因此交好,当中包括葡萄牙人于1536年袭击摩鹿加穆斯林一事,弗仅招致了苏丹个敌意,就连葡国驻文莱内廷大使也拉种种压力下头弗得弗选择离开。葡萄牙人认为,文莱苏丹国拉本区域个政治搭战争中扮演了重要角色,迭从文莱客商遍布洛坤搭暹罗个光景中可见一斑。

相比较来讲,文莱搭西班牙人个敌对关系更为激烈。自1565年起,西班牙海军搭文莱军队之间就时常出现一些小规模个军事冲突;到了1571年,西班牙人击败了当地个文莱贵族并成功占据马尼拉;文莱曾调遣大批部队并有意夺回该城,但由于种种原因而没能实行。1578年,西班牙占据了苏禄并于4月攻克文莱,随后要求苏丹停止渠拉菲律宾个回教传教活动,而转为让基督教传教活动拉渠王国境内活跃。后来由于当地爆发霍乱搭痢疾,西班牙人因此损失惨重并开始安排撤离行动。拉疫情好转个72天后,西班牙人决定放弃文莱并于1578年6月26号返回驻地马尼拉。迭一系列个短期破坏对文莱影响咾少,而苏禄也因此得以拉弗久后恢复到独立自主个状态。可是,文莱却从此丧失了拉吕宋个主导权,而整个岛屿也被牢牢掌握拉西班牙人个手中。

本地区变化个长期影响弗能够避免。拉苏丹侯赛因后头,文莱进入了衰落时期。迭是由于文莱内部对于苏丹位置个争夺搭仔欧洲殖民力量拉迭一地区个影响力上升,此外还有其他包括具有争议个传统贸易事情搭仔文莱搭交关多其他东南亚苏丹国个经济基础。

拉苏丹奥玛·阿里·赛夫汀二世统治期间,砂拉越曾先后发生多处骚乱。直到1839年,英国探险家詹姆斯·布鲁克抵达婆罗洲后,才协助苏丹镇压了迭些举事。

作为相应个回报,布鲁克成为砂拉越个地方首长搭仔后来个“白人拉者”,并逐步扩张了拉渠控制下头个领土范围。布鲁克曾试图拿下文莱个控制权,然而没能得偿所愿。渠询问了英国政府是否接受渠本人奈文莱占为己有,却被英国方面告知,尽管文莱存在管理弗善个地方,渠仍旧有着意义鲜明个国家认同,所以弗能就此被布鲁克吞并脱。

1843年,一场公开个军事冲突拉布鲁克搭苏丹之间爆发,并以后者被击败而告终。为此,苏丹承认了砂拉越相对独立个特殊地位。1846年,渤泥国首都渤泥城(Brunei Town)遭受英军袭击并被渠占据,而苏丹赛夫汀二世也只能被迫签订条约以结束英国对渤泥城个占领。同年,苏丹赛夫汀二世签订纳闽条约,并奈纳闽交畀英国。后来,渠于1847年搭英国签订了“友好通商条约”,又拉1850年搭美国签订了类似条约。经过长年积累,历任文莱苏丹所割让畀砂拉越个领土范围拉进一步延伸。1877年,砂拉越首府古晋以东地带被租借畀英属北婆罗洲渣打公司,后经割让而成为北婆罗洲个一部分。

1888年,文莱沦为英国个保护国。

独立[编辑]

外部个压力最终导致文莱于1984年1月1号获得独立。然而英国搭文莱签订个防务协定依然有效。苏丹掌握着国家个政治权力。同年文莱加入东南亚国家联盟搭联合国。独立初期,政党活动合法,然而拉1988年被禁止。