文峰站（南通市）

文峰站是南通轨道交通1号线同2号线个换乘站，勒拉中国江苏省南通市崇川区工农路青年中路路口，勒拉文峰街道。

1号线站台勒拉地下2楼，是岛式站台，2022年11月10号开通运营；2号线站台勒拉地下3楼，岛式站台，2023年12月27号开通运营，车站西南面有单线联络线。

车站装饰

文峰站是1号线三座有文化艺术墙个站头之一，艺术墙个主题是“繁华都市”。艺术墙选取南通个典型现代地标建筑代表，打造出有活力、缤纷、科技、繁华个视觉印象，创作重点表现南通新老城区个商业、商圈发展个经过搭仔景象。伊拿概括个艺术语言同抽象个城市画面有机结合，描绘融合出现在搭仔未来个繁华南通。通过炫彩个彩色玻璃，再搭配灯光效果，体现出“城市流光溢彩，南通发展出彩”个想法。