阿爾伯特·愛因斯坦

出自维基百科,自由个百科全书
(从愛因斯坦转戳到箇里)
Einstein's official 1921 portrait after receiving the Nobel Prize in Physics

阿爾伯特·愛因斯坦(德文:Albert Einstein,1879年3月14号—1955年4月18号),20世纪猶太裔理論物理學家、科學哲學家,创立着作为現代物理學兩大支柱之一個相对论(另外一支柱是量子力學)。爱因斯坦發現個質能方程最著稱於世(世人稱之為「全世界最著名個方程式」)。俚咦因為“對理論物理個貢獻,特別是發現得光電效應”,獲得1921年諾貝爾物理學獎,該個發現為量子理論個建立踏出關鍵腳步。

愛因斯坦勒職業生涯個早期就覺着經典力學電磁場已無法相互共存,俚因此發展出狹義相對論。俚咦發覺,相對論原理可以延伸至重力場個建模。從研究出來個一些重力理論,俚勒嘞1915年發表廣義相對論。俚持續研究統計力學量子理論個問題,該導致俚畀出粒子論搭對於分子運動個解釋。勒1917年,愛因斯坦應用廣義相對論來建立大尺度結構宇宙個模型。

阿道夫·希特勒於1933年開始掌權成為德國總理个辰光,愛因斯坦正勒上走訪美國。儘管俚當時已是普魯士科學院個教授,由於俚是猶太裔,所以朆返回德國。1940年,俚定居美國,隨後成為美國公民勒第二屆世界大戰前夕,俚署名一封寫畀當時美國總統富蘭克林·羅斯福個信。該封信提到德國作興發展出一種新式搭深具威力個炸彈,建議美國也盡早進行相關研究,美國因此開啟曼哈頓計劃。愛因斯坦支持增強同盟國個武力,但必過譴責使用當時新發現個核裂变用於武器個想法,後歇來愛因斯坦搭英國哲學家伯特蘭·羅素共同簽署《羅素—愛因斯坦宣言》,強調核武器個危險性。

愛因斯坦共總發表着300多篇科學論文搭150篇非科學作品。愛因斯坦畀誉为是“現代物理学之父”搭20世紀世界最重要科學家之一。俚卓越個科學成就搭原創性使讓“愛因斯坦”一詞成為“天才”個同義詞。